Ejsmant zajaviła, što razhladajecca mahčymaść sustrečy Łukašenki z Trampam
Pra heta pres-sakratarka Łukašenki zajaviła TASS.
«Łukašenka budzie rady abmierkavać z prezidentam ZŠA pytańni mižnarodnaha paradku dnia i dvuchbakovych adnosin, — skazała Natalla Ejsmant.
Taksama jana zajaviła pra mahčymy ŭdzieł Łukašenki ŭ Radzie miru. Pieršaje pasiadžeńnie jakoj jon praihnaravaŭ.
«Kali pasiadžeńnie adbudziecca ŭ hetym hodzie i kali heta budzie prymalna dla biełaruskaha boku, abaviazkova naviedajem hety samit», — skazała jana.
U minułuju piatnicu ŭ razmovie ź dziaržaŭnymi žurnalistami Łukašenka, kamientujučy sustreču z Džonam Koŭłam, zajaviŭ, što Tramp zaprasiŭ jaho ŭ Fłarydu.
«Donald prapanuje vialikuju ździełku i sustrecca navat da taho, što ŭ jaho doma ŭ Fłarydzie, i abmierkavać, i damovicca. Ja kažu — zaŭsiody», — skazaŭ tady Łukašenka.
U svaju čarhu Džon Koŭł skazaŭ, što pytańnie zaprašeńnie Łukašenki ŭ ZŠA pakul razhladajecca.
Kamientary
Trampon-hand..n atrymaje dalejšyja rasparadženni babki Putany