Źjaviŭsia nietypovy biełaruski jutub-kanał pra ludziej i technałohii
Jutub u Biełarusi hladziać i moładź, i stałyja ludzi z usich rehijonaŭ, a cikavy kantent časta stanovicca krynicaj miemaŭ ci padstavaj dla abmierkavańniaŭ u ŚMI.
Ciapier u jutubie stanie jašče bolš biełaruskaha kantentu: na jutub-kanale Andersen People pačali vychodzić intervju ź miedyjnymi ludźmi pra ich žyćcio i technałohii. U hadzinnych hutarkach hości raspaviadajuć, jak pierasiakajucca hetyja dźvie śfiery i jak technałahičny śviet upłyvaje na prafiesii, roznyja teoryi i nas samich.
Dniami na kanale vyjšła intervju ź viadomym antrapołaham Stanisłavam Drabyšeŭskim, jaki da hetaha pabyvaŭ u Iryny Šychman.
Žurnalisty raspytali jaho pra toje, čamu nieandertalcy vałodali bolšym intelektam, čym my ciapier, jak cindar upłyvaje na naš vybar partniora i što nie tak sa štučnym intelektam.
Kanał aceniać nie tolki ajcišniki, ale i prosta cikaŭnyja ludzi, jakija chočuć hłybiej razabracca ŭ śfiery technałohij i navuki.
Jość tut hutarki i całkam pa-biełarusku, naprykład, z fiłosafam Paŭłam Barkoŭskim.
Na kanale ŭžo raźmieščanyja epizody, dzie hieroi raskazvajuć pra kosmas, kamiedyi, antrapałohiju i paeziju. Heta intervju z astranomam Uładzimiram Surdzinym, kinakrytykam Čakam Review, antrapołaham Stanisłavam Drabyšeŭskim i piśmieńnicaj Vieraj Pałazkovaj.
Intervju vychodziać 2—3 razy na miesiac. Jość taksama hutarki z supracoŭnikami kampanii. Kab nie prapuścić ničoha cikavaha — padpisvajciesia na kanał.
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy12
Kamientary