Bajden: Represii suprać žurnalistaŭ — pahroza demakratyjam va ŭsim śviecie
Amierykanski lidar adznačyŭ, što žurnalisty «nieabchodnyja dla funkcyjanavańnia demakratyi».
Maštaby pieraśledaŭ i žorstkaha abychodžańnia z žurnalistami praciahvajuć raści, hetyja napadki źjaŭlajucca pahrozaj demakratyčnym krainam va ŭsim śviecie. Pra heta havorycca ŭ pašyranaj u paniadziełak Biełym domam piśmovaj zajavie prezidenta ZŠA Džo Bajdena z nahody Suśvietnaha dnia svabody druku, piša TASS.
«U internecie praciahvajuć raści [maštaby] žorstkaha abychodžańnia i pieraśledu žurnalistaŭ, asabliva žančyn i pradstaŭnikoŭ etničnych mienšaściaŭ.
Aŭtarytarnyja kiraŭniki imknucca padarvać svabodnuju presu, manipulavać praŭdaj abo raspaŭsiudžvać dezinfarmacyju… Hetyja ataki — nie što inšaje, jak pahroza demakratyjam va ŭsim śviecie», — padkreśliŭ amierykanski lidar, dadaŭšy, što žurnalisty «nieabchodnyja dla funkcyjanavańnia demakratyi».
«Siońnia, u Suśvietny dzień svabody druku, my adznačajem niastrymnuju advahu žurnalistaŭ va ŭsim śviecie. My pryznajem klučavuju rolu svabodnaj presy ŭ pabudovie kvitniejučych, ustojlivych i svabodnych hramadstvaŭ. I my abaviazvajemsia abaraniać i sadziejničać svabodnym, niezaležnym i raznastajnym ŚMI va ŭsim śviecie», — adznačyŭ prezident. Jon zaklikaŭ «supraćstajać pahrozam svabodnym i niezaležnym ŚMI, uklučajučy fizičnuju pahrozu i advolnyja zatrymańni». Prezident ZŠA nahadaŭ, što supracoŭniki ŚMI na praciahu pandemii «znachodzilisia na pieradavych rubiažach, kab infarmavać hramadskaść, padviarhajučy značnaj niebiaśpiecy ŭłasnaje zdaroŭje».
3 maja štohod adznačajecca Suśvietny dzień svabody presy (World Press Freedom Day). Jon abvieščany Hienieralnaj Asamblejaj AAN 20 śniežnia 1993 hoda ŭ znak pryznańnia važnaści zachavańnia pryncypaŭ svabody słova, druku, niezaležnaści, a taksama jak danina pamiaci žurnalistam, jakija zahinuli pry vykanańni prafiesijnaha abaviazku.
Pavodle źviestak Biełaruskaj asacyjacyi žurnalistaŭ, u 2020 hodzie ŭ Biełarusi było zafiksavana 480 zatrymańniaŭ žurnalistaŭ, 97 faktaŭ, kali žurnalisty adbyvali administracyjnyja aryšty — ahułam žurnalisty praviali za kratami bolš za 1200 dzion. Paśla dnia vybaraŭ 9 žniŭnia było zafiksavana jak minimum 62 fakty fizičnaha hvałtu ŭ dačynieńni da žurnalistaŭ.
Na dadzieny momant ŭ niavoli zastajucca žurnalisty:
Kaciaryna Andrejeva
Darja Čulcova
Kaciaryna Barysievič
Julija Słuckaja
Ała Šarko
Siarhiej Alšeŭski
Piotr Słucki
Ksienija Łuckina
Andrej Alaksandraŭ
Dzianis Ivašyn
Andrej Pačobut.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary