Mietearołahi AAN: Adzin z najbližejšych hadoŭ budzie rekordna ciopłym
U najbližejšyja piać hadoŭ ź vierahodnaściu 90% nadydzie rekordna ciopły hod u historyi nazirańniaŭ. Pra heta paviedamlaje Suśvietnaja mietearałahičnaja arhanizacyja (SMA), jakaja źjaŭlajecca śpiecyjalizavanaj ustanovaj AAN, piša RBK.
«Vierahodnaść taho, što ŭ bližejšyja piać hadoŭ pa mienšaj miery adzin hod pierasiahnie pakazčyki 2016-ha, jaki ličycca samym ciopłym hodam na dadzieny momant, składaje 90%», — havorycca ŭ paviedamleńni.
Pavodle prahnozaŭ SMA, siaredniaja tempieratura na pavierchni sušy i mora ŭ kožny z hadoŭ hetaha piacihadovaha pieryjadu budzie pa mienšaj miery na adzin hradus Celsija vyšejšaja za tempieraturnyja značeńni daindustryjalnaj epochi. U samy haračy hod tempieratura ź vierahodnaściu 40% moža pieravysić daindustryjalny ŭzrovień na 1,5 hradusa.
U 2020 hodzie siaredniaja tempieratura pieravyšała bazavyja značeńni daindustryjalnaj epochi na 1,2 hradusa. Minuły hod uvajšoŭ u pieršuju trojku samych ciopłych hadoŭ u historyi nazirańniaŭ.
Kamientary