Kaardynatar «Minskaha dyjałoha» Dzianis Mieljancoŭ u svaim telehram-kanale, kamientujučy apošnija padziei, u tym liku sankcyi, napisaŭ, što možna nacyjanalizavać aŭstryjskija Pryjorbank i A1.
«Biełaruskija ŭłady nastrojeny prademanstravać maksimalna dachodliva, što apošniaja suvierennaja kraina va Uschodniaj Jeŭropie moža i budzie adkazvać na lubyja sproby ŭmiašańnia va ŭnutranyja spravy. Pieralik takich mier davoli abmiežavany ŭ siłu resursaŭ i maštabaŭ krainy. Ale dla šerahu krain ES moža być vielmi chvaravitym.
Jość ža jašče ŭzmocnieny patok irakskich mihrantaŭ. Jość supracoŭnictva ŭ jadziernaj śfiery. Pryjorbank (ułaśnik — aŭstryjski Raiffeisen) i/abo A1 (taksama aŭstryjski) urešcie možna nacyjanalizavać.
Hučyć nierealna? Ale eskałacyja — sprava takaja. Lohka pačać — ciažka spynicca. Chto ŭ mirnym 2013 hodzie moh ujavić, što Ukraina ŭ samaj najbližejšaj budučyni pazbavicca Kryma i budzie vajavać na Danbasie? Skacicca da maštabnaha kanfliktu možna vielmi chutka i prosta. Tym bolš va ŭmovach, kali płanamierna i paśladoŭna rvucca rehijanalnyja suviazi, napracavanyja tut stahodździami. I kali napružanaść i niepradkazalnaść raście i ŭ hłabalnym maštabie.
Uvohule Miensk budzie supraciŭlacca. ES svaich metaŭ sankcyjami nie dasiahnie. Heta ciapier sprava pryncypu», — napisaŭ Mieljancoŭ.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary