Maładaja jurystka z prezidyuma Usiebiełaruskaha narodnaha schodu stała dyrektarkaj Nacyjanalnaj škoły pryhažości
Mahistrantka Hrodzienskaha dziaržaŭnaha ŭniviersiteta Bažena Jaremič, jakaja zasiadała ŭ prezidyumie Usiebiełaruskaha narodnaha schodu pobač ź Michaiłam Miaśnikovičam, stała dyrektarkaj i mastackim kiraŭnikom Nacyjanalnaj škoły pryhažości. Takaja infarmacyja źjaviłasia na sajcie škoły.
«Udzielniki Usiebiełaruskaha narodnaha schodu — najlepšyja ludzi krainy. Znajomstva ź imi, sumiesnaja praca daduć nieacenny dośvied, viedy i navyki», — kazała Bažena napiaredadni UNS.
22-hadovaja vykładčyca-stažorka kafiedry teoryi i historyi dziaržavy i prava taksama ŭvachodzić u skład Kanstytucyjnaj kamisii, jakaja zajmajecca raspracoŭkaj novaj redakcyi dakumienta. Usiaho ŭ składzie kamisii 36 čałaviek.
Upieršyniu z Łukašenkam maładaja jurystka pierasiekłasia ŭ kastryčniku 2018 hoda padčas jaho sustrečy sa studentami ŭ Hrodnie.
Praź miesiac jana razam z hrupaj studentaŭ pryjechała ŭ Minsk, kab pahladzieć na Pałac Niezaležnaści. Praz hod, u śniežni 2019 hoda, jaje zaprasili na Vienski bal u Minsku, dzie taksama byŭ Łukašenka.
U 2020 hodzie jaje bačyli pobač z Łukašenkam na bali vypusknikoŭ.
Bažena sprabavała siabie nie tolki ŭ jakaści vykładčyka i jurysta. Jana paŭdzielničała ŭ Nacyjanalnym konkursie pryhažości «Mis Biełaruś — 2020». Tady praviadzieńnie konkursu było prypyniena na niavyznačany termin z-za pandemii.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary