Маладая юрыстка з прэзідыума Усебеларускага народнага сходу стала дырэктаркай Нацыянальнай школы прыгажосці
Магістрантка Гродзенскага дзяржаўнага ўніверсітэта Бажэна Ярэміч, якая засядала ў прэзідыуме Усебеларускага народнага сходу побач з Міхаілам Мясніковічам, стала дырэктаркай і мастацкім кіраўніком Нацыянальнай школы прыгажосці. Такая інфармацыя з'явілася на сайце школы.
«Удзельнікі Усебеларускага народнага сходу — найлепшыя людзі краіны. Знаёмства з імі, сумесная праца дадуць неацэнны досвед, веды і навыкі», — казала Бажэна напярэдадні УНС.
22-гадовая выкладчыца-стажорка кафедры тэорыі і гісторыі дзяржавы і права таксама ўваходзіць у склад Канстытуцыйнай камісіі, якая займаецца распрацоўкай новай рэдакцыі дакумента. Усяго ў складзе камісіі 36 чалавек.
Упершыню з Лукашэнкам маладая юрыстка перасеклася ў кастрычніку 2018 года падчас яго сустрэчы са студэнтамі ў Гродне.
Праз месяц яна разам з групай студэнтаў прыехала ў Мінск, каб паглядзець на Палац Незалежнасці. Праз год, у снежні 2019 года, яе запрасілі на Венскі баль у Мінску, дзе таксама быў Лукашэнка.
У 2020 годзе яе бачылі побач з Лукашэнкам на балі выпускнікоў.
Бажэна спрабавала сябе не толькі ў якасці выкладчыка і юрыста. Яна паўдзельнічала ў Нацыянальным конкурсе прыгажосці «Міс Беларусь — 2020». Тады правядзенне конкурсу было прыпынена на нявызначаны тэрмін з-за пандэміі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары