BT: Amierykaniec, što šturmavaŭ Kapitolij, paprasiŭ palityčnaha prytułku ŭ Biełarusi
Hramadzianin ZŠA Evan Ńjuman, jaki ŭdzielničaŭ u sprobie prychilnikaŭ Trampa 6 studzienia 2021 hoda zachapić Kapitolij, paprasiŭ prytułku ŭ Biełarusi, paviedamlaje dziaržaŭnaje telebačańnie.
Ńjuman — uradženiec Kalifornii, u jaho dvoje dziaciej, zajmajecca biznesam pa vytvorčaści sumak. U efiry BT jon paviedamiŭ, što jaho nibyta abvinavačvajuć pa šaści spravach.
«Kryminalnaje złačynstva — heta vielmi surjoznaje abvinavačańnie. Jano aznačaje, što vy pryčynili kamu-niebudź ci čamu-niebudź škodu. Ja nie liču, što ja ździejśniŭ jakoje-niebudź złačynstva, adno z abvinavačvańniaŭ było vielmi kryŭdnym. Śćviardžajecca, što ja ŭdaryŭ aficera palicyi. Heta nie maje nijakich padstavaŭ», — raspavioŭ Evan.
Jon raskazaŭ, što FBR uklučyła jaho ŭ śpis samych šukanych złačyncaŭ.
U sakaviku jon źjechaŭ z ZŠA ŭ Italiju, potym pierabraŭsia va Ukrainu, dzie pražyŭ čatyry miesiacy, u Biełarusi apynuŭsia ŭ siaredzinie žniŭnia, kali jaho zatrymali pamiežniki pry pierachodzie miažy.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary