Były pasoł Rasii atrymaŭ učastak dla katedža ŭ Drazdach. Jon budzie susiedam Kačanavaj
Dźmitryju Mieziencavu dali ŭ arendu ŭčastak amal na 50 hadoŭ.
Eks-pasoł Rasii ŭ Biełarusi Dźmitryj Miezncaŭ atrymaŭ učastak u mikrarajonie Drazdy ŭ Minsku i buduje tam katedž. Staličnyja ŭłady aformili hetaje rašeńnie rasparadžeńniem z pamietkaj «Dla słužbovaha karystańnia», piša «Lusterka».
Pavodle rašeńnia minskich uładaŭ, Dźmitryju Mieziencavu vydzielili ŭ arendu amal na 50 hadoŭ ziamlu ŭ Drazdach. Rasijski čynoŭnik atrymaŭ 0,15 ha ziamli. Heta 1500 m², što možna ŭjavić jak učastak pamieram 30 na 50 mietraŭ. Na takoj terytoryi całkam moža źmiaścicca katedž płoščaj da 250 kvadratnych mietraŭ.
Pieršapačatkova ŭłady pastanavili, što novy ŭładalnik budzie płacić za arendu ziamli krychu bolš za tysiaču rubloŭ na hod. Adnak u 2026 hodzie ŭ Minsku ŭviali novaŭviadzieńni nakont hetaha zboru — adpaviedna, umovy mahli źmianicca i dla Mieziencava.
Susiedam rasijanina staŭ Stanisłaŭ Zaś, jaki z 2015‑ha pa 2020‑ty hod byŭ dziaržaŭnym sakratarom Rady biaśpieki, a zatym da 2023 hoda — hienieralnym sakratarom ADKB. Pobač taksama znachodzicca katedž, jaki staršynia Savieta Respubliki Natalla Kačanava ŭ 2020 hodzie pierapisała na svaich dačok.
Mieziencaŭ z 2019 pa 2021 hod byŭ pasłom Rasii ŭ Biełarusi. Ciapier jon — paŭnamocny pradstaŭnik prezidenta Rasijskaj Fiederacyi ŭ Kanstytucyjnym sudzie RF.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary