U Vilni prajšła prezientacyja ramana Uładzimira Niaklajeva. Dziasiataja ŭ polska-litoŭskim turne piśmieńnika FOTY
Dziasiataja pa liku i zaklučnaja prezientacyja prachodziła z anšłaham. Zała Vilenskaha biełaruskaha muzieja imia Ivana Łuckieviča 4 śniežnia była zapoŭnienaja pad zaviazku prychilnikami tvorčaści vybitnaha litaratara, paviedamlaje «Novy čas».
Pierad hetym, u piatnicu, kniha «Hej Ben Hinom» («Hiejena vohniennaja») była prezientavanaja ŭ Domie litoŭskich piśmieńnikaŭ u Vilni.
Čytajcie taksama:
Niaklajeŭ raspačaŭ sieryju prezientacyj svajho novaha ramana ŭ Polščy
Hučali pieśni «Jak ty adzin», «Skončyłasia leta», «Daroha», «Krasunia Viasna».
«My naviedali najbolšyja asiarodki biełaruskaj emihracyi ŭ Polščy, a taksama miescy pražyvańnia biełaruskaj nacyjanalnaj mienšaści. Byli ŭ Krakavie, Urocłavie, Poznani, Hdańsku, Varšavie, Łodzi, Biełastoku, Białaj Padlascy. Apošnija dźvie prezientacyi my zładzili ŭ Vilni ŭ Domie litaratara, a taksama ŭ domie Ivana Łuckieviča. Na ŭsich prezientacyjach była vialikaja zacikaŭlenaść jak samoj knihaj, tak i jaje aŭtaram, ci nie najbolš viadomym biełaruskim litarataram», — adznačaje pradstaŭnik fonda Kamunikat.org Jarasłaŭ Ivaniuk.
Kamientary