Biełaruski šoŭmien Źmicier Kachno na dva dni palacieŭ u Kazachstan «u zvyčajnuju pajezdku». A tam pačałosia samaje piekła
Źmicier Kachno ‒ viadomy biełaruski šoŭmien. Paśla vybaraŭ 2020 hoda jon byŭ vymušany pierajechać u Rasiju, dzie praciahnuŭ svaju karjeru. 5 studzienia 2022 hoda jon adpraviŭsia ŭ Kazachstan. Niekatorymi padrabiaznaściami pajezdki Źmicier padzialiŭsia ŭ Instagram. «Takoha padarožža ja dakładna nie płanavaŭ», ‒ napisaŭ jon.
Padrabiaznaściaŭ niebiaśpiečnaj pajezdki Źmicier apublikavaŭ niašmat. Jon napisaŭ, što pajechaŭ u Ałmaty — «horad pryhožych hor i burnych rek» — 5 studzienia. «Nikoli nie viedaješ, čym moža skončycca zvyčajnaja pajezdka na dva dni», ‒ napisaŭ Źmicier.
«A prylataješ voś siudy», ‒ padpisaŭ jon sełfi, zroblenaje pa prylocie na fonie vajskovaj techniki i vajskoŭcaŭ.
Źmicier apublikavaŭ videa strełaŭ u centry Ałmaty, napisaŭ, što takoha jon nikoli nie čuŭ. Z metaŭ biaśpieki jon pierajechaŭ z hatela da siabroŭ.
Evakujavali Źmitra z Kazachstanu na rasijskim IŁ-76. Jak bačna na fota, umovy pieralotu byli niezvyčajnymi, davoli suvorymi. Šoŭmen padziakavaŭ tym, chto prymaŭ udzieł u evakuacyi.
Jon paabiacaŭ paźniej raskazać padrabiaznaści pajezdki.
Televiadučyja Dźmitryj Kachno i Dzianis Dudzinski byli zatrymanyja 2 vieraśnia 2020. Na nastupny dzień byli asudžanyja na 10 sutak za ŭdzieł u niesankcyjanavanych akcyjach. Jany mielisia vyjści viečaram 10 vieraśnia, ale adsiedzieli ŭ izalatary na Akreścina amal na 2 dni bolš.
Abodva zjechali z krainy. Dźmitryj Kachno ‒ u Rasieju, Dzianis Dudzinski zaraz u Kijevie.
Čamu padziei ŭ Kazachstanie nielha paraŭnoŭvać ź biełaruskimi, ale što ź ich łohiki treba zapomnić
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1111
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach11
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary