«Kab uvieś śviet havaryŭ pa-rusku, vyvučajcie aŭtamat Kałašnikava». U Rasii ŭdzielnik vajny daŭ nakaz školnikami 1 vieraśnia
Na ŭračystaj liniejcy da 1 vieraśnia ŭ Krasnajarsku pierad školnikami vystupiŭ udzielnik vajny va Ukrainie. Mužčyna ŭ adzieńni ź litaraj Z zaklikaŭ dziaciej vyvučać aŭtamat Kałašnikava, «kab uvieś śviet havaryŭ pa-rusku».
Videa ź liniejki ŭ licei № 11 u Krasnajarsku apublikavała miascovaje vydańnie «Prośpiekt Mira».
«Jak skazaŭ adzin palityk, kab uvieś śviet havaryŭ pa-rusku, vyvučajcie aŭtamat Kałašnikava. Jašče raz usich sa śviatam. Pieramoha budzie za nami», — skazaŭ mužčyna školnikam.
Tak jon pracytavaŭ rasijskaha palityka Uładzimira Žyrynoŭskaha, jaki pamior u 2022 hodzie.
«Dožd́» vyśvietliŭ, što pierad dziećmi vystupaŭ Alaksandr Kłaus — udzielnik rasijskaha ŭvarvańnia va Ukrainu. Pavodle publikacyj u miascovych ŚMI, jon rehularna ŭdzielničaje ŭ tak zvanych patryjatyčnych mierapryjemstvach dla školnikaŭ i moładzi.
Naprykład, u kastryčniku 2025 hoda Kłaus vystupaŭ na forumie dla navučencaŭ Centralnaha rajona Krasnajarska. Tady jon zaklikaŭ maładych ludziej paśla terminovaj słužby ŭ vojsku padpisvać kantrakt i jechać na vajnu va Ukrainu.
Sam Kłaus raskazvaŭ, što ŭ žniŭni 2023 hoda dobraachvotna dałučyŭsia da atrada «Čorny bars» i padpisaŭ kantrakt. Pavodle jaho słoŭ, jon udzielničaŭ u bajach u rajonie Aŭdziejeŭki, Piaskoŭ i Vadzianoha.
Paśla kantuzii i ranieńnia ruki Kłaus viarnuŭsia ŭ Krasnajarsk.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary