«Niepryhoža, nieprystojna, niekarektna». U «Biełaeranavihacyi» prakamientavali abvinavačvańnie ŭ avijapiractvie
«Biełaeranavihacyja» razhladaje abvinavačvańnie amierykanskich prakuroraŭ u pavietranym piractvie, vysunutaje suprać kiraŭnikoŭ pradpryjemstva, jak instrumient cisku pierad budučym pasiadžeńniem ICAO, na jakim budzie razhladacca dakład pra incydent z rejsam Ryanair Afiny — Vilnia. Jano pavinna adbycca ŭ kancy studzienia.
«Pa tych publikacyjach, jakija ja pračytaŭ, ja pakul nie razumieju, nakolki heta ŭsio aficyjna, realna, moža, čystaj vady cisk ci pravakacyja. Nichto mianie aficyjna nie infarmavaŭ. Kali b z ranicy nie pahladzieŭ naviny, moža, pra heta i nie viedaŭ by», — skazaŭ RIA «Naviny» namieśnik hiendyrektara «Biełaeranavihacyi» Aleh Kaziučyc.
Jon taksama nazvaŭ abvinavačvańni poŭnaj łuchtoj. Pa jaho słovach, ich vyłučeńnie — heta «niepryhoža, nieprystojna, niekarektna, pierachodzić ramki zdarovaha sensu».
Učora ŭ ZŠA było nakiravanaje ŭ sud abvinavaŭčaje zaklučeńnie prakuroraŭ Manchetena ŭ dačynieńni da čatyroch słužbovych asob Biełarusi. Jany abvinavačvajucca ŭ zmovie z metaj ździajśnieńnia avijacyjnaha piractva. Siarod abvinavačanych nazyvajucca hiendyrektar «Biełaeranavihacyja» Leanid Čuro, jaho namieśnik Aleh Kaziučyc i dva supracoŭniki słužby biaśpieki, adnaho ź jakich zavuć Andrej Anatolevič.
«Insceniravali pahrozu vybuchu, kab aryštavać žurnalista-dysidenta». ZŠA raskazali novyja padrabiaznaści incydentu z Ryanair
U ZŠA čatyroch biełaruskich aficyjnych asob abvinavacili ŭ avijapiractvie
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski24
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary