Śviatłana Cichanoŭskaja zajaviła, što biare na siabie paŭnamoctvy pradstaŭnika biełaruskaha naroda
Śviatłana Cichanoŭskaja źviarnułasia da biełarusaŭ i zajaviła, što stvaraje orhan ułady — pierachodny kabiniet.
«Siońnia zranku Rasija napała na Ukrainu, parušajučy fundamentalnyja pryncypy mižnarodnaha prava, — zajaviła Cichanoŭskaja. — U hetym vierałomnym akcie ahresii była zadziejničanaja biełaruskaja terytoryja i Uzbrojenyja siły Biełarusi.
Łukašenka i jaho režym całkam padzialajuć z prezidentam Rasii adkaznaść za hetuju vajnu. Nielehitymny kiraŭnik Biełarusi uvioŭ zamiežnyja vojski i zrabiŭ našu krainu niepasrednym udzielnikam kanfliktu. Heta dziaržaŭnaja zdrada i zdrada intaresam našaha naroda i biełaruskaj dziaržavy.
Takim čynam Łukašenka nie moža ličycca harantam niezaležnaści i terytaryjalnaj cełasnaści Biełarusi.
Ja, Śviatłana Cichanoŭskaja, na asnovie paŭnamoctvaŭ, dadzienych mnie biełaruskim narodam u vyniku prezidenckich vybaraŭ 2020 hoda, biaru na siabie adkaznaść ź siońniašniaha dnia adstojvać niezaležnaść i nacyjanalnyja intaresy Respubliki Biełaruś.
Ja budu vykonvać abaviazki pradstaŭnika biełaruskaha naroda i haranta jaho pravoŭ i svabod da novych vybaraŭ.
Ja stvaraju pierachodny kabinet jak nacyjanalny orhan ułady Respubliki Biełaruś. Žyvie Biełaruś».
Kamientary