16 sakavika pamior biełaruski historyk, piśmieńnik i žurnalist Mikoła Bahadziaž.
«Abajalny čałaviek, zaŭsiody małady dušoju, encykłapiedyčnych viedaŭ daśledčyk. Škada i žałoba — jašče adzin dobry biełarus pakinuŭ nas, a jany ž tak patrebnyja siońnia — u lichuju hadzinu», — napisaŭ pra siabra biblijatekar i krajaznaŭca Valeryj Hierasimaŭ.
Mikoła Bahadziaž naradziŭsia 16 maja 1957 h. u v.Trajanaŭka Barysaŭskaha rajona. U 1984 skončyŭ histfak BDU. Pracavaŭ nastaŭnikam u viaskovych škołach Barysaŭskaha i Dziaržynskaha rajonaŭ, u adździele archieałohii Instytuta historyi Nacyjanalnaj akademii navuk.
Z 1990 hoda pracavaŭ žurnalistam u «Čyrvonaj źmienie», «Centralnaj haziecie», časopisach «Biarozka» i «Nioman».
Aŭtar šmatlikich navukova-papularnych vydańniaŭ i publikacyj pa historyi i kultury Biełarusi.
Sumiesna ź Irynaj Maślanicynaj (žonkaj) napisaŭ knihi «Słava i niasłaŭje» (1995), «Radziviły — niaśvižskija karali» (1997), «Radziviły ŭ epochu intryh i avantur» (2003) i inš. Šerah artykułaŭ pryśviaciŭ radavodu Čapskich, zapisaŭ pra ich lehiendy i padańni.
Raźvitańnie adbudziecca ŭ piatnicu na Paŭnočnych mohiłkach u 12:30.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary