«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
Sienatar-respublikaniec Lindsi Hrem zajaviŭ, što dla pierałomu ŭ vajnie Ukrainie treba dać rakiety «Tamahaŭk», i źviarnuŭsia da prezidenta ZŠA Donalda Trampa z prośbaj pačać praces pieradačy hetych rakiet. Pra heta Hrem napisaŭ 3 lutaha ŭ sacsietcy Ch, paviedamlaje «Jeŭrapiejskaja praŭda».
Hrem nazvaŭ vidavočnym toje, što «cisk, jaki my akazvajem na Pucina, kab prymusić jaho sieści za stoł pieramoŭ i spynić masavanyja ataki suprać Ukrainy, nie pracuje».
«Ideju prezidenta ZŠA Donalda Trampa dziejničać suprać pakupnikoŭ rasijskaj nafty, jakija padsiłkoŭvajuć vajskovuju mašynu Pucina, ZŠA i Jeŭropa pavinny realizoŭvać z usioj rašučaściu. Prezident ZŠA Donald Tramp nanios surjozny ŭdar pa ekanomicy Pucina, uziaŭšysia za naftavyja kampanii i naftapierapracoŭčyja zavody. Taryfy suprać Indyi — dobry prykład taho, jak situacyja moža źmianiacca», — adznačyŭ Hrem.
U toj ža čas jon źviarnuŭ uvahu na toje, što masavanyja abstreły Rasijaj Ukrainy nie spyniajucca, i ŭ suviazi z hetym zaachvočvaje ŭzbroić Ukrainu dalnabojnymi rakietami «Tamahaŭk».
«Paśla hetaj masavanaj ataki minułaj nočču ja zaklikaju prezidenta ZŠA Donalda Trampa pačać praces pieradačy Ukrainie rakiet «Tamahaŭk», što stała b pierałomnym faktaram u vajennym sensie. U najbližejšyja dni i tydni my pavinny ŭzmacniać cisk na Pucina. Lubyja pieramovy, jakija buduć vyhladać jak praźmiernaja ŭznaharoda za ahresiju, zapuściać łancuh katastrof va ŭsim śviecie», — napisaŭ Hrem.
Razam z tym jon padkreśliŭ: kali pieramovy pryviaduć da svabodnaj, mocnaj i niezaležnaj Ukrainy, navat kali joj pryjdziecca pajści na sastupki, «śviet stanie značna bolš stabilnym».
Kamientary
Eto, i kak s nievierojatnymi, vtoričnymi sankcijami po zakonu hrema, kotoryj, nikohda, pri trampie, nie budiet priniat....
KŁOUNY !!!!!