U Viciebsku aŭtasałon vystaviŭ balid «Formuły-1». Niaŭžo sapraŭdny?
U Viciebsku adzin aŭtasałon, jaki zajmajecca prodažam patrymanych aŭtamabilaŭ, vystaviŭ mašynu, jakuju nazvaŭ balidam «Formuły-1» Ferrari. Pavodle zajaŭlenaj infarmacyi, heta nibyta Ferrari F1 z ruchavikom V6 abjomam 2,5 litra, choć hod vypusku nie paznačany. Pakul aŭtamabil tolki demanstrujecca i nie pradajecca, a pradstaŭniki sałona abiacajuć naviny «paźniej», zaŭvažyła Blizko.by.
Adnak śpiecyjalisty i aŭtaamatary chutka zaŭvažyli supiarečnaści. U «Formule-1» u pieryjad, da jakoha vizualna možna adnieści hety balid, takich ruchavikoŭ nie vykarystoŭvali.
Hod vypusku ŭ sałonie nie paznačyli, ale jaho pryblizna možna vyznačyć z uskosnych źviestak. Tak, na mašynie adsutničaje sistema biaśpieki «hało» (abarončych ryhielaŭ nad hałavoj piłota), jakuju ŭviali z 2018 hoda, a šyny Bridgestone pierastali prymianiać paśla 2009-ha. Akramia taho, na Ferrari naniesieny numar 1 — pad im vystupaŭ niamiecki honščyk Michael Šumachier u 2001—2005 hadach. Ale ŭ toj čas balidy Ferrari mieli 3‑litrovyja ruchaviki kanfihuracyi V10 abo V12, a nie V6.
Uličvajučy, što sapraŭdnyja balidy Ferrari toj epochi pradajucca na aŭkcyjonach za dziasiatki miljonaŭ dalaraŭ (naprykład, aŭtamabil Šumachiera 2003 hoda ŭ 2022‑m pradadzieny amal za 15 miljonaŭ dołaraŭ), vierahodnaść taho, što taki ekzemplar apynuŭsia ŭ zvyčajnym viciebskim aŭtasałonie, vyhladaje minimalnaj. Tamu najbolš imavierna, što pierad naviedvalnikami — replika, to bok amatarskaja kopija.
Niekatoryja kamientatary taksama ź ironijaj adznačyli, što mašyna adnamiesnaja i nie prydatnaja dla štodzionnych patreb. Inšyja ž padazrajuć, što vyjava balida była stvoranaja z dapamohaj štučnaha intelektu. Pra heta, na ich dumku, śviedčać pamyłki ŭ adlustravańniach łahatypa Marlboro ŭ škle, niedakładnaści ŭ nadpisach na zadnim antykryle, a taksama dziŭnaja markiroŭka šyn Bridgestone Potenza i dyskaŭ BBS, u jakich vidać vidavočnyja chiby.
Šeść z dvaccaci honščykaŭ «Formuły 1» sioleta — pačatkoŭcy. Adzin ź ich niadaŭna atrymaŭ pravy kiroŭcy
Biełaruska stała ŭ Ispanii buktokierkaj i napisała raman pra «Formułu-1»
Sud ES źniaŭ sankcyi z byłoha honščyka «Formuły-1» biełaruskaha pachodžańnia
Ralf Šumachier ździejśniŭ kaminh-aŭt
Stała viadoma, jak ciapier žyvie były aŭtahonščyk Michael Šumachier
Kamientary
V otražienii v stiekle avtosałona, vidna fihura čiełovieka kotoryj fotohrafirujet.