Premjer Litvy sustrełasia ŭ Vilni z Maryjaj Kaleśnikavaj i Taćcianaj Chomič
U aŭtorak premjer-ministr Inha Ruhinienie pryniała Maryju Kaleśnikavu, jakaja viarnułasia na volu paśla bolš jak piaci hadoŭ niezakonnaha źniavoleńnia, a taksama jaje siastru Taćcianu Chomič, paviedamlaje LRT.
«Radujusia, što vy na voli. Litva hatovaja vam usialak dapamahčy», — skazała padčas sustrečy kiraŭnica ŭrada Litvy Inha Ruhinienie.
Jana taksama padkreśliła, što ŭrad Litvy padtrymlivaje dypłamatyčnyja namahańni ZŠA z metaj vyzvaleńnia ŭsich palityčnych źniavolenych u Biełarusi.
«My supracoŭničajem sa śpiecyjalnym pasłańnikam prezidenta ZŠA Džonam Koŭłam, dypłamatyčnyja namahańni jakoha dajuć adčuvalnyja vyniki — jak u vyzvaleńni palityčnych źniavolenych, tak i va ŭmacavańni biaśpieki ŭ rehijonie. Hetyja kroki dla nas nadzvyčaj važnyja, bo jany spryjajuć taksama ŭmacavańniu nacyjanalnaj biaśpieki Litvy», — adznačyła padčas sustrečy Ruhinienie.
Maryja Kaleśnikava padziakavała premjer-ministru za paśladoŭnuju padtrymku Litvoj biełaruskaj hramadzianskaj supolnaści i demakratyčnamu ruchu, a taksama za sadziejničańnie vyzvaleńniu palityčnych źniavolenych i akazańnie im usioj nieabchodnaj dapamohi.
Kiraŭnica ŭrada Litvy padkreśliła, što Vilnia i nadalej budzie zachoŭvać cisk z metaj vyzvaleńnia ŭsich palityčnych źniavolenych u Biełarusi, adznačyła, što Litva čuje hołas biełaruskaha naroda i budzie praciahvać padtrymlivać biełaruskuju hramadzianskuju supolnaść i demakratyčnuju apazicyju.
Maryja Kaleśnikava i Taćciana Chomič sustrelisia taksama sa staršynioj kiroŭnaj Sacyjał-demakratyčnaj partyi Litvy Mindaŭhasam Sinkiavičusam.
«Padčas sustrečy Maryja Kaleśnikava zaklikała Litvu i inšyja jeŭrapiejskija krainy aktyŭna padtrymlivać namahańni ZŠA ŭ dačynieńni da Biełarusi. Jana taksama padkreśliła važnaść humanitarnych pytańniaŭ i vykazała pierakanańnie, što hety hod moža stać pierałomnym — hodam, kali ŭ Biełarusi moža nie zastacca nivodnaha palityčnaha źniavolenaha», — raskazaŭ palityk.
Jon padkreśliŭ, što palityka Litvy ŭ dačynieńni da Biełarusi pavinna hruntavacca na vyraznych metach i adčuvalnych vynikach, a izalacyja sama pa sabie nie pryvodzić da rašeńniaŭ: «Sankcyi nie źjaŭlajucca metaj sami pa sabie, jany pavinny vykarystoŭvacca razumna jak instrumient dasiahnieńnia kankretnych metaŭ, asabliva ŭ śfierach biaśpieki i humanitarnych pytańniaŭ, u tym liku vyzvaleńnia palityčnych źniavolenych».
Jon dadaŭ, što padčas sustrečy Maryja Kaleśnikava taksama zaklikała pavialičyć mabilnaść hramadzian Biełarusi pamiž Litvoj i Biełaruśsiu, padkreślivajučy važnaść bolš intensiŭnaha ruchu ź Jeŭropaj i prapanoŭvajučy adnavić čyhunačnaje pasažyrskaje złučeńnie Minsk—Vilnia, a taksama abnavić aŭtobusnyja maršruty.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary