Vydadzieny ŭ ZŠA dakumientalny film pra Miełaniju Tramp, niahledziačy na hučnuju premjeru i vialiki biudžet, nie zmoh zavabić značnuju kolkaść hledačoŭ i pakazaŭ słabyja kasavyja vyniki, piša Bild.
Kampanija Amazon zrabiła staŭku na hłamur, viadomych palityčnych fihur i darahuju ździełku, adnak čakanaha ažyjatažu ŭ pieršyja dni prakatu nie adbyłosia. U ZŠA za startavy ŭik-end film sabraŭ krychu bolš za 7 miljonaŭ dalaraŭ, vyjšaŭšy amal u 1800 kinateatrach. Pry hetym, pavodle źviestak ŚMI, ahulnyja vydatki Amazon na vytvorčaść, markietynh i prakat skłali kala 75 miljonaŭ dalaraŭ.
Niahledziačy na heta, u Amazon MGM nazvali start paśpiachovym, zajaviŭšy, što heta nibyta samy mocny debiut dakumientalnaha filma za apošniaje dziesiacihodździe, kali nie brać pad uvahu kancertnyja stužki. Adnak ekśpierty kinaindustryi z takoj acenkaj nie pahadžajucca.
Business Insider padličyŭ, što kampanija ŭžo paniesła značnyja straty, a The Guardian adznačaje: kab chacia b akupicca, film pavinien sabrać kala 100 miljonaŭ dalaraŭ pa ŭsim śviecie.
Dla paraŭnańnia, bujnyja mastackija filmy ŭ 2025 hodzie za pieršyja vychadnyja ŭ ZŠA zarablali značna bolš — dziasiatki, a časam i sotni miljonaŭ dalaraŭ.
Na mižnarodnym rynku situacyja vyhladaje jašče horš. U Vialikabrytanii film startavaŭ tolki na 29‑m miescy, sabraŭšy kala 33 tysiač funtaŭ sterlinhaŭ u 155 kinateatrach, pryčym mnohija sieansy prachodzili pry amal pustych załach. U Aŭstralii stužka zaniała 31‑ie miesca. U vyniku The Guardian robić vysnovu, što film možna ličyć niaŭdałym.
Asabliva kantrastna heta vyhladaje na fonie zajaŭ Donalda Trampa napiaredadni premjery: jon prahnazavaŭ anšłahi i śćviardžaŭ, što film abaviazkova varta pahladzieć, i što kvitki buduć raskuplać vielmi chutka.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ11
Kamientary
Ale ž jaho i nie zdymali mienavita dla kinateatraŭ. Pa pieršaje jon zdymaŭsia dla stryminhava servisu, dzie mieŭ vialikija prahlady dla dakumientałki.