U pieśni hučyć vakał ukrainskaha muzyki Andreja Chłyŭniuka, vakalista i aŭtara tekstaŭ hurta «Bumboks».
U noč na 8 krasavika pieśnia Hey Hey Rise Up źjavicca ŭ stryminhavych servisach.
Vyručku ad prodažu pieśni nakirujuć u fond humanitarnaj dapamohi Ukrainie.
Hitaryst hurta Dejvid Hiłmar u intervju haziecie The Guardian raskazaŭ, što na zapis novaj pieśni jaho natchniŭ ukrainski rok-muzyka Andrej Chłyŭniuk, ź jakim Hiłmar vystupaŭ u 2015 hodzie ŭ Łondanie. Chłyŭniuk, jaki ciapier vajuje suprać rasijskich akupantaŭ va Ukrainie, niadaŭna źmiaściŭ u Instahramie videa sa svaim vykanańniem ukrainskaj pieśni «Oj, u łuzi čiervona kalina».
«Ja padumaŭ: heta cudoŭna, i, mahčyma, ja zmahu z hetym niešta zrabić», — skazaŭ Hiłmar The Guardian. — Heta sapraŭdy ciažka i niepryjemna bačyć hety nadzvyčaj varjacki, niespraviadlivy napad bujnoj dziaržavy na niezaležnuju, mirnuju, demakratyčnuju nacyju. Frustracyja ad taho, što ty bačyš heta i dumaješ «što ja, čort biary, mahu zrabić?», nievynosnaja».
Tak i paŭstaŭ novy sinhł hurta Hey Hey, Rise Up!, jaki vykarystoŭvaje zapis Chłyŭniuka.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary