Jany pajšli ad nas u 2025 hodzie. Zhadvajem biełarusaŭ, jakich my stracili
Budziem ich pamiatać, budziem haravać. Kali my kaho zabyli, dadavajcie ŭ kamientarach na sajcie pad hetym artykułam.
Maryja Zajcava
Jaje strašna paraniła 9 žniŭnia 2020 hoda. Ale jana ŭsio adno pajšła abaraniać Ukrainu. Biełaruskaja dobraachvotnica zahinuła ŭ bajach pad Bachmutam, dzie vajavała ŭ składzie 2‑ha Internacyjanalnaha lehijonu. Joj było 24 hady.
Va Ukrainie zahinuła 24‑hadovaja biełaruskaja dobraachvotnica Maryja Zajcava
Hanna Kandracienka
Byłaja palitźniavolenaja pamierła ad ankałohii, jakuju ŭ jaje dyjahnastavali jašče ŭ kałonii ŭ Homieli. Žančyna nie dažyła niekalki miesiacaŭ da svajho 40-hodździa.
Radzim Harecki
Akademiku-hieołahu było 96 hadoŭ.
Łaran Arynič
Apalny eks-kiraŭnik «Pinskdreva» pamior u Biełastoku, dzie chavaŭsia ad kryminalnaha pieraśledu, u 89 hadoŭ.
U emihracyi pamior były haspadar «Pinskdreva» Łaran Arynič
Iosif Navumčyk
Były sakratar Viciebskaha abkama KPB, a paźniej kiraŭnik viciebskaj abłasnoj rady Tavarystva biełaruskaj movy imia Francyska Skaryny, tata adnaho ź lidaraŭ ruchu za niezaležnaść Siarhieja Navumčyka pražyŭ 86 hadoŭ.
Mikałaj Iljučyk
Piśmieńniku i pastaru pratestanckaj carkvy ŭ Łunincy było 58 hadoŭ.
Alaksandr Novik
Biełarus-dobraachvotnik, strałok-snajpier šturmavoha adździaleńnia šturmavoha bataljona, zahinuŭ 20 studzienia padčas vykanańnia bajavoha zadańnia ŭ rajonie Novajahoraŭki ŭ Łuhanskaj vobłaści.
Va Ukrainie zahinuŭ snajpier-biełarus Alaksandr Novik
Natalla Ramanskaja
Śpiavačka, zasłužanaja artystka Biełarusi, pamierła na 65 hodzie žyćcia.
Siarhiej Rubleŭski
Žurnalist i piśmieńnik, šmathadovy redaktar viciebskaj abłasnoj haziety «Narodnaje słova», pražyŭ 70 hadoŭ.
Pamior viciebski žurnalist i piśmieńnik Siarhiej Rubleŭski
Viktar Adzinočanka
Hramadski dziejač, kandydat fiłasofskich navuk, dacent Homielskaha dziaržaŭnaha ŭniviersiteta imia Skaryny pamior na 63‑m hodzie žyćcia.
Alaksiej Aŭdziej
Biełaruski dobraachvotnik zahinuŭ padčas vykanańnia bajavoj zadačy na Kupianskim kirunku ŭ 26 hadoŭ.
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jarasłaŭ Jeŭdakimaŭ
Narodnamu artystu Biełarusi było 78 hadoŭ.
Andrej Padniabienny
Palitviazień pamior u Mahiloŭskaj kałonii, dzie adbyvaŭ 16‑hadovy termin, na 37‑m hodzie žyćcia.
36‑hadovy palitviazień zahinuŭ u Mahiloŭskaj kałonii
Safija Barysiuk
Śpiavačcy z-pad Biarozy, jakaja stała zorkaj jutuba ŭ 2012 hodzie, udzielnicy narodnaha dueta «Zoja i Valera», było 79 hadoŭ.
Pamierła artystka ź Biarozaŭskaha rajona, jakaja źbirała miljony prahladaŭ
Harald Volski
Artyst, dziejač kultury, u svoj čas dyrektar studyi animacyjnych filmaŭ kinastudyi «Biełaruśfilm», pamior u navahodniuju noč na 96‑m hodzie žyćcia.
Dźmitryj Harelik
Były dyrektar Homielskaha teatra lalek Dźmitryj Harelik pamior u 63 hady.
Pamior niadaŭna asudžany za «ekstremizm» eks-dyrektar Homielskaha teatra lalek Dźmitryj Harelik
Aleś Siłkoŭ
Palityčny i hramadski aktyvist z Mahilova raptoŭna pajšoŭ z žyćcia ŭ 55 hadoŭ. Jaho nie raz zatrymlivali pa palityčnych matyvach.
Siarhiej Kalada
Staršynia hramadskaha abjadnańnia «Respublikanski turyscka-spartyŭny sajuz» pamior u 65 hadoŭ.
Artur Zielski
Dyrektaru Miemaryjalnaha kompleksu «Chatyń» było 55 hadoŭ.
Pamior dyrektar miemaryjalnaha kompleksu «Chatyń»
Aleh Aŭdziejeŭ
Apieratar «Biełaruśfilma», zasłužany rabotnik kultury Biełaruskaj SSR, pamior na 99‑m hodzie žyćcia.
Pamior apieratar «Biełaruśfilma» Aleh Aŭdziejeŭ
Śviatłana Jaŭsiejeva
Piśmieńnicy i pierakładčycy było 92 hady.
Pamierła piśmieńnica Śviatłana Jaŭsiejeva — maci Lavona Volskaha
Leanid Citoŭ
Vučony ŭ halinie mikrabijałohii, akademik NAN Biełarusi, zasłužany dziejač navuki, prafiesar pamior na 79‑m hodzie žyćcia.
Mikałaj Harbunoŭ
Krajaznaviec, fatohraf i videaapieratar ź Viciebska pamior u 66 hadoŭ.
Alaksiej Hančuk
Paet, žurnalist i fatohraf Alaksiej Hančuk pamior na 71‑m hodzie žyćcia.
Luboŭ Sivurava
Falkłarystcy, śpiavačcy i paetesie było 58 hadoŭ.
Andrej Vasora
Biełaruski aktyvist pamior u emihracyi ŭ 47 hadoŭ.
Paśla niaščasnaha zdareńnia biełarus pamior u palityčnaj emihracyi ŭ Polščy
Uładzimir Traceŭski
Navukoviec, daśledčyk biełaruskaha narodnaha dojlidstva pajšoŭ z žyćcia ŭ 88 hadoŭ.
Pamior historyk architektury Uładzimir Traceŭski
Viktar Hardziej
Biełaruskamu piśmieńniku było 78 hadoŭ.
Alaksandr Anisimaŭ
Kinarežysior-pastanoŭščyk pamior na 61‑m hodzie žyćcia.
Alaksandr Šaŭko
Žurnalist, adzin z aŭtaraŭ papularnaj na Biełaruskim radyjo prahramy «Radyjofakt», pamior u 69 hadoŭ.
Pamior žurnalist Alaksandr Šaŭko
Alaksandr Mašeŭski
Doktaru-ankołahu, doktaru miedycynskich navuk, prafiesaru, členu praŭleńnia Biełaruskaha tavarystva ankołahaŭ było 84 hady.
Hierman Kiryłaŭ
Biełaruski piśmieńnik pamior na 88‑m hodzie žyćcia.
Julija Čurko
Akciorcy, piśmieńnicy, vučonaj było 88 hadoŭ.
Pamierła aktrysa i vučonaja Julija Čurko
Pavieł Rudzienia
Radyjoamatar, jaki prasłaviŭsia tym, što, budučy nieviduščym ad naradžeńnia, arhanizavaŭ na kuchni svajoj kvatery radyjostancyju «Miascovaje radyjo», pamior u 42 hady.
Pamior Pavieł Rudzienia — nieviduščy radyjoviadučy ź Minska
Aleh Vasilčanka
Były handbalist, jaki stajaŭ na varotach u lehiendarnym minskim SKA 1980‑ch hadoŭ pamior na 68‑m hodzie žyćcia.
Alaksandr Jaravy
Zasłužanamu artystu Biełarusi, byłomu salistu i vakalistu Ansambla pieśni i tanca Uzbrojenych sił BSSR było 77 hadoŭ.
Pamior zasłužany artyst Biełarusi Alaksandr Jaravy
Barys Kościč
Architektaru, adnamu z aŭtaraŭ prajekta rekanstrukcyi Zybickaj vulicy ŭ Minsku było 74 hady.
Pamior architektar Barys Kościč
Hienadź Zabara
Kłarnietyst, piedahoh, zasłužany artyst Biełarusi pamior na 72‑m hodzie žyćcia.
Alaksandr Sierada
22‑hadovy bajec Pałka Kalinoŭskaha zahinuŭ padčas vykanańnia bajavoha zadańnia na poŭdni Ukrainy.
Zahinuŭ 22‑hadovy biełarus Alaksandr «Łyč» Sierada, jaki vajavaŭ za Ukrainu
Nina Fralcova
Doktarka fiłałahičnych navuk, prafiesarka, byłaja staršynia Respublikanskaj ekśpiertnaj kamisii pa praduchileńni parnahrafii, hvałtu i žorstkaści, pamierła na 81‑m hodzie žyćcia.
Pamierła byłaja staršynia kamisii pa praduchileńni parnahrafii Nina Fralcova
Kłara Małyšava
Narodnaj artystcy Biełarusi, byłoj salistcy Vialikaha teatra opiery i baleta było 86 hadoŭ.
Pamierła narodnaja artystka Biełarusi Kłara Małyšava
Łarysa Śmirnova
Architektar-horadabudaŭnik, aŭtar prajekta rehienieracyi histaryčnaha centra Viciebska, pamierła na 76 hodzie žyćcia.
Pamierła architektar-horadabudaŭnik Łarysa Śmirnova
Maksim Sochar
Akcioru i byłomu hałoŭnamu režysioru Mahiloŭskaha abłasnoha teatra imia Dunina-Marcinkieviča było 44 hady.
Pamior biełaruski akcior i režysior Maksim Sochar. Jamu było 44 hady
Michaił Pilipienka
Viadomy biełaruski etnołah i historyk, člen-karespandent Nacyjanalnaj akademii navuk Biełarusi, pamior na 89‑m hodzie žyćcia.
Jaŭhienija Drahun
Biełaruskaj stylistcy było 40 hadoŭ.
U Nicy pamierła biełaruskaja stylistka Jaŭhienija Drahun. Joj było 40 hadoŭ
Fiodar Žylak
Kampazitaru i śpiavaku, hanarovamu hramadzianinu horada Baranavičy, było 67 hadoŭ.
Alaksandr Kalada
Kliryku chrama Śviatoj pakutnicy Taćciany, vykładčyku Viciebskaj duchoŭnaj sieminaryi, kiraŭniku moładzievaha bractva «Sinaksis» i skaŭckaha ruchu, było 43 hady.
Pamior 43‑hadovy pravasłaŭny śviatar Alaksandr Kalada
Kaciaryna Jahorava (Nieściarovič)
Šmathadovaj viadoŭcy savieckaha i biełaruskaha radyjo i telebačańnia było 79 hadoŭ.
Pamierła Kaciaryna Jahorava (Nieściarovič)
Barys Daŭhatovič
Historyk i žurnalist pamior na 91‑m hodzie žyćcia.
Pamior historyk i žurnalist Barys Daŭhatovič
Alaksiej Isajeŭ
Biełaruskamu śpiavaku, eks-dyrektaru Biełaruskaha dziaržaŭnaha akademičnaha muzyčnaha teatra, było 70 hadoŭ.
Valancin Štermier
Palitviaźniu było 62 hady.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»
Ludmiła Drožža
Biełaruskaj radyjoviadučaj i piśmieńnicy byŭ 71 hod.
Natalla Šykalenka
Čempijoncy śvietu 1995 i srebnaj pryziorcy Alimpijskich hulniaŭ 1992 hoda ŭ kidańni kapja byŭ 61 hod.
Pamierła lohkaatletka Natalla Šykalenka
Alaksiej Anufryjeŭ
Udzielniku kamandy BDU Kłuba viasiołych i kiemlivych u jaje zornym składzie 1998‑-2001 hadoŭ byŭ 51 hod.
Nina Halinoŭskaja
Paetka, łaŭreatka litaraturnaj premii imia Janki Maŭra, pražyła 89 hadoŭ. «Kocik-varkocik Loh na žyvocik. Łapki pad vuška — Nie treba paduška» — heta jaje radki.
Pamierła paetka Nina Halinoŭskaja
Aleh Marozaŭ
Zasnavalniku pryvatnaha Instytutu parłamientaryzmu i pradprymalnictva było 67 hadoŭ.
Pamior zasnavalnik Instytuta parłamientaryzmu i pradprymalnictva Aleh Marozaŭ
Maksim Ciškin
Chakieist i trenier, zasnavalnik chakiejnaj škoły «Fint», čempijon Biełarusi siezona-2008/09 pamior na 43‑m hodzie žyćcia.
U 42 hady pamior chakieist i trenier Maksim Ciškin
Andrej Hryńko
Klipmiejkier, scenaryst i kinarežysior pamior u 36 hadoŭ.
Siamion Bukčyn
Biełaruskamu litarataru i žurnalistu, aŭtaru «Našaj Nivy» było 83 hady.
Siarhiej Atroščanka
Biznesoviec, stvaralnik brendu Serge i haziety «Obozrievatiel» pajšoŭ z žyćcia paśla ciažkaj chvaroby ŭ 55 hadoŭ.
U 55 hadoŭ pamior stvaralnik brendu Serge Siarhiej Atroščanka
Źmicier Kaśpiarovič
Biełaruski apazicyjny aktyvist, siabar Sojmu Partyi BNF, jaki pryznaŭsia, što byŭ zavierbavany KDB, trahična zahinuŭ na 44‑m hodzie žyćcia.
Miortvym znojdzieny ŭ Varšavie Źmicier Kaśpiarovič — 43‑hadovy były palitviazień, zavierbavany KDB
Mikoła Kacuk
Sacyjołahu, navukoŭcu 2005 hoda pa viersii «Naša Nivy» było 48 hadoŭ.
Mikoła Kacuk: Rasieja robić ź biełarusa nacyjanalista
Valeryj Rybaraŭ
Kinarežysior i scenaryst, aŭtar kultavaha filma «Mianie zvać Arlekina», pamior paśla praciahłaj chvaroby ŭ 86 hadoŭ.
Pamior kinarežysior Valeryj Rybaraŭ
Andrej Barduchajeŭ-Aroł
Stvaralnik inkluziŭnaha Tym Teatra ŭ Homieli pamior ŭ emihracyi na 50‑m hodzie žyćcia.
Pamior Andrej Barduchajeŭ-Aroł
Eduard Hierasimovič
Šmathadovamu dyrektaru Nacyjanalnaha akademičnaha dramatyčnaha teatra imia Maksima Horkaha było 80 hadoŭ.
Mikoła Lucko
Były načalnik upraŭleńnia ŭ Dziaržahrapramie Biełarusi, a paśla pradprymalnik i siabar Upravy Zhurtavańnia biełarusaŭ śvietu «Baćkaŭščyna», pajšoŭ z žyćcia ŭ 71 hod.
Iryna Jaskievič
Aktyvistka Abjadnanaj hramadzianskaj partyi raptoŭna pajšła z žyćcia ŭ 62 hady.
Ihar Kazłoŭ
Žurnalistu było 62 hady.
Edvard Zajkoŭski
Viadomy biełaruski archieołah pamior na 73 hodzie žyćcia.
Viačka Stankievič
Byłomu kiraŭniku Biełaruskaj słužby «Radyjo Svaboda» było 92 hady.
Viktar Ledzienieŭ
Piśmieńnik, dramaturh, žurnalist pamior na 85‑m hodzie žyćcia.
Pamior žurnalist Viktar Ledzienieŭ
Alaksiej Maćviejeŭ
Viadomamu biełaruskamu hieołahu, akademiku Nacyjanalnaj akademii navuk Biełarusi, było 87 hadoŭ.
Pamior akademik Alaksiej Maćviejeŭ
Uładzimir Kazak
Staršynia Minskaj abłasnoj arhanizacyi Abjadnanaj hramadzianskaj partyi, siabra Palitrady partyi pamior na 52‑m hodzie žyćcia.
Mikoła Hałko
Žurnalistu, byłomu hałoŭnamu redaktaru «Sielskaj haziety» i «Narodnaj haziety» było 77 hadoŭ.
Viktar Vabiščevič
Paet, nastaŭnik, historyk i krajaznaŭca pamior na 66‑m hodzie žyćcia.
Alaksandr Rozenblum
Viadomy krajaznaŭca, daśledčyk i piśmieńnik pamior u Izraili na 100‑m hodzie žyćcia.
Pajšoŭ z žyćcia zachavalnik pamiaci Barysava Alaksandr Rozenblum
Michaś Kandraciuk
Uradžencu Padlašša, vybitnamu movaznaŭcu, dyjalektołahu, daśledčyku biełaruska-polskaha pamiežža, prafiesaru byŭ 91 had.
Pamior prafiesar Michaś Kandraciuk
Aron Bielski
Samy małodšy z bratoŭ Bielskich, jakija padčas Druhoj suśvietnaj vajny stvaryli ŭ Nalibockaj puščy samy vialiki lasny łahier dla jaŭrejaŭ u akupavanaj Jeŭropie, pamior u ZŠA ŭ 98 hadoŭ.
Pamior apošni z bratoŭ Bielskich, jakija partyzanili ŭ Nalibockaj puščy
Aleś Pałynski
Piśmieńniku było 58 hadoŭ.
Pamior piśmieńnik Aleś Pałynski
Uładzimir Alejnikaŭ
Były hienieralny dyrektar futbolnaha kłuba BATE pamior na 71 hodzie žyćcia.
Pamior Uładzimir Alejnikaŭ, jaki stajaŭ la vytokaŭ barysaŭskaha BATE
Taresa Sobal
Byłaja dyrektarka Polskaha doma ŭ Iviancy Vałožynskaha rajona, kiraŭnica miascovaj filii Sajuza palakaŭ Biełarusi, jakuju pa vynikach 2010 hoda «Naša Niva» pryznała «Viernaściu hoda», mieła 77 hadoŭ.
Jaŭhien Koktyš
Biełaruski fotažurnalist pamior na 86‑m hodzie žyćcia.
Pamior fotažurnalist Jaŭhien Koktyš. Jon zdymaŭ Bykava i Mulavina
Maja Janickaja
Mastactvaznaŭcy, adnoj z stvaralnikaŭ Muzieja staražytnabiełaruskaj kultury, było 94 hady.
Pamierła viadomaja biełaruskaja mastactvaznaŭca Maja Janickaja
Viačasłaŭ Rahojša
Piśmieńnik, litaraturaznaŭca, doktar fiłałahičnych navuk pamior na 84‑m hodzie žyćcia.
Valeryj Kastručyn
Dziciačamu piśmieńniku było 73 hady.
Vasil Kušnier
Historyk, zasnavalnik «Biełaruskaha histaryčnaha časopisa» pajšoŭ z žyćcia paśla ciažkaj chvaroby ŭ 78 hadoŭ.
Pamior zasnavalnik «Biełaruskaha histaryčnaha časopisa»
Anton Sadoŭski
Prafiesaru kafiedry dyfierencyjalnnych uraŭnieńniaŭ i sistemnaha analizu Biełaruskaha dziaržaŭnaha ŭniviersiteta, doktaru fizika-matematyčnych navuk byŭ 81 hod.
Pamior prafiesar Anton Sadoŭski
Śviatłana Jacevič
Akciorka minskaha teatra «Dzie-Ja?», Minskaha abłasnoha dramatyčnaha teatra, stvaralnica teatra dla ludziej ź sindromam Daŭna «Soniečnyja dzieci» pajšła z žyćcia ŭ 57 hadoŭ.
Pamierła aktrysa Śviatłana Jacevič
Hienadź Paškoŭ
Biełaruskamu paetu, byłomu šmathadovamu dyrektaru vydaviectva «Biełaruskaja encykłapiedyja» imia Pietrusia Broŭki, było 77 hadoŭ.
Viktar Kapyćka
Biełaruski kampazitar i muzyčny dziejač pamior na 70‑m hodzie žyćcia.
Pamior kampazitar Viktar Kapyćka
Uładzimir Chilkievič
Prazaiku i publicystu było 79 hadoŭ.
Valancin Zankovič
Skulptar i architektar, adzin z aŭtaraŭ miemaryjału «Chatyń» pamior na 89‑m hodzie žyćcia.
Pamior Valancin Zankovič — adzin z aŭtaraŭ miemaryjału «Chatyń»
Viačasłaŭ Chadasoŭski
Zasnavalniku i byłomu hałoŭnamu redaktaru haziety «Biełarusy i rynak było 78 hadoŭ.
Mikita Miełkazioraŭ
Błohieru, aŭtaru papularnaha jutub-kanała «Žyćcio-malina», było 37 hadoŭ.
Raptoŭna pamior papularny błohier Mikita Miełkazioraŭ
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary