U akupavanaj častcy Chiersonskaj vobłaści pry ŭdary pa kaviarni zahinuli 24 čałavieki
Pažar tušyli ŭsiu navahodniuju noč. Chto byŭ cellu ŭdaru — nieviadoma.
Chorły
U akupavanaj častcy Chiersonskaj vobłaści 24 čałavieki zahinuli, bolš za 50 paciarpieli ŭ vyniku ataki bieśpiłotnikaŭ na kaviarniu i hatel.
«Siońnia ŭnačy praciŭnik nanios metanakiravany ŭdar bieśpiłotnikami pa miescy, dzie mirnyja žychary sustrakali Novy hod.
Try bieśpiłotniki ŭdaryli pa kaviarni i hateli na ŭźbiarežžy Čornaha mora ŭ Chorłach.
Pavodle papiarednich źviestak, paciarpieli bolš za 50 čałaviek, 24 čałavieki zahinuli. Ličby ŭdakładniajucca… Mnohija zhareli žyŭcom. Zahinuła dzicia», — paviedamiŭ akupacyjny «hubiernatar»-kałabarant Uładzimir Salda.
Ź jahonych źviestak, pažar likvidavali tolki pad ranicu.
Ukraina pakul nie kamientavała situacyju.
Kamientary