Urad vyznačyŭ, jakija pasłuhi možna budzie zakuplać u prapahandysckaha tavarystva «Viedy»
Pieralik rabot i pasłuh, jakija možna budzie zakuplać u HA «Biełaruskaje tavarystva «Viedy» z prymianieńniem pracedury zakupu z adnoj krynicy, zaćvierdziŭ svajoj pastanovaj ad 11 krasavika Saviet Ministraŭ, piša Zerkalo.io.
U hramadskaha abjadnańnia, jakoje ŭznačalvaje praŭładny palitołah Vadzim Hihin, možna budzie nabyć raboty i pasłuhi, jakija akazvajucca praź ŚMI, a taksama pa praviadzieńni mierapryjemstvaŭ, ažyćciaŭleńni vydavieckaj dziejnaści, stvareńni rekłamy, praviadzieńni daśledavańniaŭ, nakiravanych na:
— infarmavańnie nasielnictva ab dziaržpalitycy, udaskanaleńnie hramadzianska-patryjatyčnaj, palityčnaj, pravavoj, ekanamičnaj, kiraŭnickaj, duchoŭna-maralnaj i fizičnaj kultury čałavieka;
— papularyzacyju ajčynnaj historyi, raspaŭsiudžvańnia navukova abhruntavanaj infarmacyi ab historyka-kulturnaj spadčynie, bajavych podźvihach i pracoŭnych ździajśnieńniach biełaruskaha naroda, važnych histaryčnych padziejach, pamiatnych miescach, ich roli i značnaści ŭ stanaŭleńni biełaruskaj dziaržaŭnaści;
— procidziejańnie falsifikacyi historyi, raspaŭsiudžvańniu destruktyŭnych ideałahičnych daktryn, farmiravańnia uśviadomlenaj hramadzianskaj pazicyi.
— Taksama ŭ «Viedaŭ» možna budzie zakupić pasłuhi pa arhanizacyi lekcyjnaj raboty pa prapahandzie prahram sacyjalna-ekanamičnaha raźvićcia, pa ŭdziele ŭ ideałahičnaj pracy orhanaŭ dziaržkiravańnia, pa pavyšeńni kvalifikacyi ideołahaŭ i ŭzroŭniu infarmavanaści lektarskich kadraŭ.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś2
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary