Jajki, miasa, chren. Paličyli, kolki kaštuje vielikodny stoł u Biełarusi i susiednich krainach
Paraŭnali ceny na tradycyjnyja pradukty da Vialikadnia ŭ Biełarusi, Litvie, Hruzii i Polščy. U śpisie ŭsio jak śled: kab i pasku śpiačy, i miasa na stale mieć, i da miasa chren.
Biełaruś
Dziasiatak samych tannych jajek S-1 u «Jeŭraopcie» ci praz «Je-dastaŭku» možna kupić za 2,58 rubla. Cukar u nas — 2,49 za kiło, 1 kh muki lidskaj vyšejšaha hatunku — 1,47. Cukaty kaštujuć 3,65 za 100 hram.
Kiło achałodžanaj śvininy, kumpiaka, kaštuje 14,85 rubla. Chren — 2,29.
Za taki nabor u košyku pakupnik addaść 27,33 rubla. Heta 2% ad siaredniaha zarobku ŭ Biełarusi. Jon u lutym 2022-ha skłaŭ čystymi, za vylikam padachodnaha padatku, 1360 rubloŭ.
Litva
Dziasiatak jajek typu S-1 u miascovym supiermarkiecie «Maksima» ci jaho dastaŭcy «Barbora» abydziecca ŭ 3,51 rubla (pa kursie Nacbanka pa stanie na čaćvier 1 jeŭra = 2,955). Kiłahram muki vyšejšaha hatunku — 3,98 (darahaja tut muka), cukar — 1,74 za kiło (u ich jon užo našmat tańniejšy, čym u Biełarusi). Cukaty dla vielikodnaj bułki — 2,74 rubla za 100 hram.
Śvinina — 11,79 rubla za kiło (miasa ŭ Litvie i tannaje, i vydatnaj jakaści), chren (160 hram) — 2,92.
Ček z takimi praduktami składzie 26,86 rubloŭ. Heta 0,86 pracenta ad siaredniaha zarobku ŭ Litvie. Jon składaje tut za vylikam padatkaŭ 3130 rubloŭ čystymi.
Polšča
U polskaj sietcy «Karfur» kupić kiło muki vyšejšaha hatunku možna za 2,54 rubla (pa kursie 1 złoty = 63 kapiejki). Cukar — 2,20 za kiłahram, cukaty — 3,63 rubla za 100 hram.
Śvinina — 11,22 za kiło (miasa ŭ Polščy, jak i ŭ Litvie, vielmi dastupnaje), jajki — 5,09 za dziesiać štuk. Chren možna nabyć za 1,71 za 160 hram.
Ček z takimi praduktami składzie 26,39 rubla. Heta 0,93 pracenta ad siaredniaha zarobku ŭ Polščy. Jon u 2021 hodzie skłaŭ 2843 rubli čystymi.
Hruzija
Kiłahram muki vyšejšaha hatunku ŭ miascovym hruzinskim supiermarkiecie možna kupić za 3,99 rubla (pa kursie 1 łary = 1,11 rubla).
Jajki — 6,21 rubla. Cukar — 4,16 za kiło, cukaty — 1,94 za 100 hram.
Kiło śvininy ŭ anłajn-kramie budzie kaštavać 23,29 rubla, chren — 4,44 za 160 hram.
U sumie za taki košyk treba budzie vykłaści 44,03 rubla. Heta 4,16 pracenta ad siaredniaha zarobku ŭ Hruzii. Tam jon składaje 1057,99 rubla.
Takim čynam, praduktovy košyk prykładna adnolkava kaštuje ŭ Biełarusi, Polščy i Litvie. Ale ž zarobki ŭ Polščy i Litvie bolš čym u dva razy vyšejšyja, čym u nas. A voś u Hruzii zvykły nam nabor praduktaŭ kaštuje našmat daražej.
Čytajcie taksama:
Jak źmianilisia ceny na pradukty z pačatku vajny
Biełaruski rubiel ŭmacoŭvajecca. Čamu tak adbyvajecca i ci adkruciać ceny?
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary