Ciahnik Minsk — Adler budzie chadzić źmienienym maršrutam až da kanca listapada
Z 19 kastryčnika pa 24 listapada 2026 hoda ciahnik № 302 Minsk — Adler, jaki adpraŭlajecca ź Minska ŭ 8:29, budzie kursiravać pavodle źmienienaha maršrutu, paviedamiła pres-słužba Biełaruskaj čyhunki.
Da stancyi Homiel jon pojdzie pa zvyčajnym raskładzie, a dalej — praz Mahiloŭ-1, Škłoŭ, Oršu-Centralnuju i Bransk-Arłoŭski, paśla čaho praciahnie ruch svaim maršrutam.
U zvarotnym kirunku ciahnik № 301 Adler — Minsk z 17 kastryčnika pa 24 listapada budzie iści pavodle zvyčajnaha raskładu da stancyi Bransk-Arłoŭski, a zatym — praz Oršu zamiest Homiela. Na stancyi Orša-Centralnaja praduhledžany prypynak. U Minsk-Pasažyrski ciahnik budzie prybyvać z 19 kastryčnika pa 26 listapada ŭ 18:04.
Akramia taho, praz ramontnyja raboty na terytoryi Rasijskaj čyhunki ŭ asobnyja dni pryznačać ciahnik № 490/489 Minsk — Anapa — Minsk. Jon taksama budzie kursiravać pa źmienienym maršrucie i raskładzie, jak ciahniki Minsk — Adler i Adler — Minsk. Ź Minska jon adpravicca 16 i 20 listapada, a z Anapy — 18 i 22 listapada. Prybyćcio ŭ Minsk zapłanavana adpaviedna na 20 i 24 listapada.
Dla pasažyraŭ, jakija raniej nabyli kvitki na ciahniki № 301 Adler — Minsk i № 489 Anapa — Minsk z prajezdam ad stancyj na ŭčastku Homiel — Minsk, pryznačany dadatkovy ciahnik № 611 Homiel — Minsk. Z 19 kastryčnika pa 26 listapada jon budzie adpraŭlacca z Homiela ŭ 14:38 i prybyvać u Minsk u 19:03.
Dla dastaŭki pasažyraŭ z rasijskich stancyj da stancyj na ŭčastku Minsk — Homiel taksama pryznačany ciahnik № 612 Minsk — Homiel. Z 19 kastryčnika pa 26 listapada jon budzie adpraŭlacca sa stancyi Minsk-Pasažyrski ŭ 20:26 i prybyvać u Homiel u 23:59.
Takija źmieny maršrutaŭ zdaralisia i raniej, a pryčynaj hetych karekcirovak zvyčajna rabilisia niaštatnyja situacyi na puciach, źviazanyja z raźviazanaj Rasijaj vajnoj suprać Ukrainy.
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!1
Kamientary