Supracoŭniki śledčaha adździeła Padatkova-mytnaha departamienta (NTD) Estonii ŭ supracoŭnictvie z hałandskaj palicyjaj, finskaj mytniaj i Jeŭrapołam vyjavili ŭ porcie Muuha 3,5 tony narkatyčnaha rečyva. U chodzie pravierki refryžaratarnych kantejnieraŭ, u jakich pa dakumientach pieravozili banany z Ekvadora, estonskija ŭłady vyjavili 72 čornych miaška. A ŭ ich byli znojdzienyja bolš za try tysiačy upakavanych u plonku i zaleplenych klejkaj stužkaj pačkaŭ ź ćviordym paraškom biełaha koleru, paviedamiła ŭ paniadziełak pres-słužba Dziaržaŭnaj prakuratury Estonii.
Ekspres-test biełaha paraška daŭ stanoŭčuju reakcyju na kakain. Heta adna z samych vialikich partyj kakainu, kanfiskavanych u rehijonach krain Bałtyi i krain Paŭnočnaj Jeŭropy. Jaho razdrobny košt byŭ by kala paŭmiljarda jeŭra.
Pa słovach kiraŭnika słužby pa baraćbie z narkazłačynstvami śledčaha adździeła NDT Raula Kapielmaa, takaja vialikaja kolkaść nie pryznačałasia dla estonskaha rynku. Kantrabandu 21 sakavika vyjavili na sudnie MILAN EXPRESS paśla atrymańnia adpaviednych sihnałaŭ ad finskaj mytni i hałandskaj palicyi.
5 sakavika zhadanaje sudna vyjšła z Raterdama. Hruz karabla składali kantejniery, krainaj pryznačeńnia bolšaj častki jakich była Rasijskaja Fiederacyja.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary