Zachodnija miedyja pišuć pra ciažarnaść Aliny Kabajevaj: «Pucin niezadavoleny»
Pa infarmacyi zamiežnych ŚMI, byłaja himnastka Alina Kabajeva znoŭ ciažarnaja. Infarmacyja pra toje, što Kabajeva čakaje dzicia, nibyta nie paradavała Uładzimira Pucina — pra suviaź rasijskaha prezidenta z eks-spartoŭkaj kažuć užo nie pieršaje dziesiacihodździe.
Mierkavana, što Pucin znachodzicca ŭ adnosinach z Kabajevaj niedzie z 2008 hoda. Ličycca, što ŭ ich jość ahulnyja dzieci, ale ž ich kolkaść nieviadomaja. Chutčej za ŭsio, razmova ci pra bliźniat, ci pra syna i dačku, piša onet.pl.
Niadaŭna šviejcarskaja presa paviedamiła, što Kabajeva taksama naradziła Pucinu dvaich synoŭ: pieršaha — prykładna ŭ 2015 hodzie, a druhoha — u 2019-m.
Ciapier miedyja śćviardžajuć, što 38-hadovaja Kabajeva znoŭ ciažarnaja. The Daily Mail paviedamlaje heta sa spasyłkaj na telehram-kanał «Hienierał SVR». Zhodna z artykułam brytancaŭ, vierahodna, što novaja ciažarnaść Kabajevaj była niezapłanavanaja, tamu Pucin i vyhladaje zaraz pryhniečanym.
U pieršyja dva miesiacy vajny va Ukrainie było nieviadoma, dzie znachodzicca Alina Kabajeva, ale ž užo niekalki tydniaŭ, jak jana viarnułasia ŭ Rasiju. Byłaja spartsmienka źjaviłasia ŭ Maskvie na mierapryjemstvie pa mastackaj himnastycy «Fiestyval «Alina». Prajekt prajšoŭ u lepšych tradycyjach rasijskaha «patryjatyzmu» — z vystupam vajennaha choru i demanstracyjaj sumnaviadomaj litary Z.
Zachodnija miedyja daŭno pišuć pra toje, što Kabajeva dziejničaje ad imia Kramla i raspaŭsiudžvaje pucinskuju prapahandu. Pa mierkavańniu niamieckaha Bild, Pucinu patrebnaja žančyna, kab absłuhoŭvać jaho mašynu niapraŭdy, i Kabajeva idealna dla hetaha padychodzić. Byłuju himnastku viedajuć i lubiać pa ŭsioj Rasii, ličać ikonaj sportu i lehiendaj rasijskaha alimpijskaha ruchu.
«Našu Nivu» finansujuć jaje čytačy — padtrymać prosta
Čytajcie taksama:
Čamu ZŠA vyrašyli nie ŭvodzić sankcyi suprać Aliny Kabajevaj
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary