Uładzimir i Alena Zialenskija dali intervju z nahody troch hadoŭ prezidenctva. Siarod inšaha, Uładzimir Zialenski adkazaŭ na pytańnie, ci čakałasia ŭvarvańnie z boku Biełarusi.
«My žyli ŭ čakańni vajny… My razumieli što adbyvajecca, ale absiah, ci abjom, ci nachabnaść taho, što my pabačyli, nichto nie razumieŭ da kanca. Adna sprava, kali ty razumieješ, što ź Biełarusi moža być pojduć tanki, a inšaja sprava, što pačynajecca, što Rasija pojdzie skroź Biełaruś na ciabie, a inšaja sprava, što ź Biełarusi kankretna laciać rakiety. Takaja roźnica, ale jana zdajecca, što nievialikaja, što nas papiaredžvali, byli mesedžy, što z taho boku moža pačacca technikaju nastup.
Ale roźnica vialikaja, ty vajuješ z kim? Ty vajuješ z tymi siłami, jakija na terytoryi Biełarusi, jakija prachodziać skroź Biełaruś i iduć va Ukrainu, abo ty vajuješ ź dźviuma krainami. Djabał u detalach. Tamu, što adbyvajecca, da kanca nichto nie viedaŭ. Detali nichto da kanca nie viedaŭ», — skazaŭ Zialenski.
Zakranuŭ prezident Ukrainy i los ukrainskich abaroncaŭ Maryupala
«Absalutna hieraičnyja ludzi. Chaču padkreślić, što tam 400 pamiežnikaŭ, vialikaja kolkaść nachvardziejcaŭ, desantnikaŭ, navat pradstaŭnikoŭ SBU, miedyki, zvyčajnyja ludzi. Tam mnostva hieraičnych ludziej… Jany abaraniali Maryupal. Vielmi vialikaja kolkaść našych lotčykaŭ hieraična zahinuła», — kaža prezident.
Zialenski raskazaŭ, što na siońnia vyviezienyja ŭsie cyvilnyja z terytoryi zavoda, miedyki, paranienyja i ciažkaparanienyja.
«Mnie zdajecca, što ŭ bližejšy čas zavieršycca vyvaz ŭsich», — skazaŭ kiraŭnik Ukrainy.
Zialenski adznačyŭ, što damaŭlaŭsia ź mižnarodnymi partniorami ab vyratavańni abaroncaŭ Maryupala. Jon padkreśliŭ, što spačatku prasiŭ zbroju dla razbłakavańnia horada vajennym šlacham.
«Na siońnia chłopcy atrymali ad vajskoŭcaŭ sihnał, što jany majuć prava vyjści i zachavać žyćcio», — raspavioŭ jon.
Dalej usio zaležyć ad taho, što na siabie brali AAN, Čyrvony Kryž, RF.
«Čakajem taho ci inšaha farmatu abmienu. Budziem zabirać ich dadomu»
Pra skančeńnie vajny
«Nie my pačynali hetuju vajnu, ale nam jaje zakančvać. Ja dumaŭ, što skončyć možna dyjałoham, ja dumaŭ, što heta dyjałoh z terminam, što možna budzie znajści rašeńni. Ja sapraŭdy tak ličyŭ. Ale heta Rasija. Ciapier heta jak aŭtamabil: i nie bienzinavy, i nie elektrakar — hibryd, i vajna takaja».
«I pieramoha budzie vielmi składanaja, jana budzie i kryvavaja, jana dakładna budzie ŭ bai, ale kancoŭka dakładna budzie ŭ dypłamatyi. Ja ŭpeŭnieny ŭ hetym», — dadaŭ jon.
«Vychad na liniju raźmiežavańnia, ustalavanuju na 24 lutaha, budzie dla Ukrainy pieramohaj», — miarkuje Zialenski.
Pa jaho słovach, heta budzie śviedčyć ab tym, što «jany nas nie zachapili. Što my adstajali našu ziamlu. I tady my piarojdziem da druhoj častki. I ja chacieŭ by, kab rozumu ŭ hetaj krainy (RF) było dastatkova, kab druhuju častku my prahavaryli za stałom pieramovaŭ. I kab vynikam hetaj razmovy stała kančatkovaja spraviadlivaść».
Zialenski patłumačyŭ, ab čym budzie havaryć na asabistaj sustrečy z Pucinym:
«Kali b sustreča była siońnia, abmiarkoŭvałasia b pytańnie Maryupala i inšyja humanitarnyja prablemy».
Na intervju taksama prysutničała žonka prezidenta Ukrainy Alena Zialenskaja. Jana raspaviała, što nie bačyłasia z mužam 2,5 miesiaca, jany razmaŭlali tolki pa telefonie.
«Nichto ŭ mianie muža nie zabiare, navat vajna, — skazała pieršaja łedzi Ukrainy. — Ale tak, jon žyvie na pracy, my jaho amal nie bačym. Ciapier u nas było niekalki mahčymaściaŭ ubačycca. I [žurnalistam] taksama ŭdziačny za hetuju mahčymaść, tamu što my [padčas hetaha intervju] pravodzim čas razam. Heta takaja, viedajecie, vydatnaja mahčymaść papić razam harbaty».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary