U Katyni i Miednym źniali ściahi Polščy na miemaryjałach, stvoranych u pamiać pra zabojstvy polskich vajennapałonnych
«Smolenskaja hazieta» piša, što z fłahštoka na Katynskim miemaryjale pad Smalenskam źniali polski ściah. Adpaviednaje rašeńnie pryniali ŭ Ministerstvie kultury Rasii.
Mer Smalenska Andrej Barysaŭ, kamientujučy rašeńnie Ministerstva kultury, zajaviŭ: «Nie moža być ściahoŭ Polščy na rasijskich miemaryjałach! A paśla adkrytych antyrasijskich zajaŭ polskich palitykaŭ — pahatoŭ. Liču, što Ministerstva kultury RF pryniało adzina pravilnaje rašeńnie — prybrać ściah Polščy. Katyń — heta rasijski miemaryjał, heta rasijskaja historyja».
Taksama polski ściah prybrali i ź miemaryjalnaha kompleksa ŭ Miednym Ćviarskoj vobłaści.
Pry hetym polskija ściahi ŭ Katyni i Miednym prysutničali nie prosta tak. Hetyja miescy viadomyja pieradusim jak miescy masavych rasstrełaŭ balšavikami polskich vajskoŭcaŭ, uziatych u saviecki pałon u 1939 hodzie. Katyń — adzin z suśvietna viadomych simvałaŭ stalinskich złačynstvaŭ suprać čałaviečnaści.
Kamientary