Ukrainskaja dyzajnierka Vita Kin pradstaviła kapsulnuju kalekcyju dla viadomaha brenda Gucci. U jaje ŭvajšli vyšyvanki i sukienki ŭ tradycyjnym ukrainskim styli, piša BBC.
Na sajcie Gucci paviedamlajecca, što na stvareńnie kalekcyi dyzajnierku natchniła tradycyjnaja ŭkrainskaja vyšyŭka.
Sukienki chvalać za «kvietkavuju vyšyŭku z vytančanym dyzajnam», a kalekcyju nazyvajuć «niavinna falkłornaj i niazmušana vytančanaj».
U kalekcyju ŭvajšli sukienki mini i maksi z vysokaj talijaj, spadnicy i błuzki z vyšyŭkaj, šali i nakidki.
Usie vyraby dapoŭnienyja vyšyŭkaj i aplikacyjaj, vykananyja ź lonu.
Nabyć rečy z novaj kalekcyi Vita Kin možna na sajcie Gucci Vault. Ich canavy dyjapazon — ad 950 da 2100 jeŭra. Niekatoryja pazicyi ŭžo raskuplenyja.
Vita Kin šmat hadoŭ vypracoŭvaje ŭłasny styl, u jakim vykarystoŭvaje narodnyja matyvy samych roznych narodaŭ.
Gucci adkryŭ ułasny kanceptualny mahazin Vault, kab dać mahčymaść maładym dyzajnieram z usiaho śvietu prademanstravać svaju tvorčaść i pradać rečy. Vita Kin zapuściła svoj adnajmienny brend Vita Kin u 2008 hodzie.
Kamientary