U Babrujsku rujnujuć lehiendarny «chram Bachusa», jaki nikomu nie naležyć, a cehłu ŭžo raspradajuć na internet-aŭkcyjonach
Vieličnaja vieža staradaŭniaha vinzavoda bačnaja z Babrujskaha aŭtavakzała. Haściej horada jana sustrakaje žyćcieśćviardžalnym nadpisam na łatyni «Vinitus Unitis» — «Zhurtavańnie vinahradaraŭ», paviedamlaje mogilev.media.
Nadpis šmat razoŭ sprabavali zamazać farbaj jašče ŭ savieckija časy, ale nie atrymałasia.
Zavod byŭ pabudavany ŭ 1897 hodzie i vyłučajecca siarod zvyčajnaj šeraj pramysłovaj architektury impazantnaściu kanstruktyŭnych rašeńniaŭ.
Akramia architekturnych asablivaściaŭ, jon pryvablivaje daśledčykaŭ tym, što jaho ścieny vykładzienyja z cehły čatyroch inšych staradaŭnich fabryk — bratoŭ Łazinskich, Razenbierha, Pružyninych i Akuliča. Pra heta śviedčać klejmy na joj. Cehła ciapier — abjekt promysłu šmatlikich «maradzioraŭ», jakija pierapradajuć jaje na internet-placoŭkach, časam pa 15 rubloŭ za štuku.
Za savieckimi časami zavod byŭ zahružany całkam. Na im raźlivali hruzinskija kańjaki i vino. U časy niezaležnaj Biełarusi jon akazaŭsia niezapatrabavanym i pastupova zaniapaŭ.
Namahańni reanimavać pradpryjemstva plonu nie dali. Apošniaja sproba pryciahnuć inviestara pravaliłasia ŭ 2008 hodzie — prajekt nie prajšoŭ šmatlikija ŭzhadnieńni, i francuzskija vinaroby, jakija cikavilisia byli abjektam, nie stali ryzykavać.
Jurydyčnaja asoba, jakoj naležaŭ zavod, likvidavanaja. U 2020 hodzie pradpryjemstva chacieli pradać, ale biezvynikova. Nie ŭziaŭ vinzavod na bałans i harvykankam.
Za hady prastoju zavod pieratvaryŭsia va ŭlubiony abjekt dla amataraŭ ekstremalnaha adpačynku. Tut časta možna sustreć hulcoŭ u łaziertah, strajkboł, abo maładzionaŭ, što karaskajucca pa kanstrukcyjach. Navat fotasiesii na razvalinach pieratvarajucca ŭ zachaplalnuju pryhodu.
U siaredzinie leta 2022 hoda na zavodzie haradžanie stali zaŭvažać budaŭničuju techniku. Adzin sa starych, cikavych budynkaŭ zavoda ŭžo całkam zrujnavany, i žychary horada pieražyvajuć, ci nie budzie całkam źniščany ŭnikalny, admietny kompleks, zdolny nadać horadu turystyčny šarm i pryvabnaść.
Pracy na zavodzie praciahvajucca i ciapier, a na miescy, dzie dniom rypiać ekskavatary, pa viečarach možna zaŭvažyć amataraŭ daŭniny, jakija vyšukvajuć u druzie kavałki kaštoŭnaj cehły.
-
Pad Minskam adkryli zavod, dzie robaty vypuskajuć duchavyja šafy
-
«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
-
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary