Eks-dyrektara Barysaŭskaha zavoda ahrehataŭ abvinavačvajuć u chabarnictvie, kradziažy i słužbovaj padrobcy
Hienieralnaja prakuratura nakiravała ŭ sud kryminalnuju spravu ŭ dačynieńni da eks-dyrektara AAT «Barysaŭski zavod ahrehataŭ», jakomu inkryminavanyja atrymańnie chabaru, kradziež šlacham złoŭžyvańnia słužbovymi paŭnamoctvami i słužbovaja padrobka.
Chabar jamu, jak vynikaje z zajavy prakuratury, davali, kab jon svoječasova raźličvaŭsia z pastaŭščykami.
Pavodle śledstva, abvinavačany mienavita za heta ŭ 2018-2019 hadach atrymaŭ ad pradstaŭnika češskaj kampanii chabar u pamiery 6 tysiač dołaraŭ.
Pradstaŭniki inšaj firmy biaspłatna vykanali budaŭničyja raboty ŭ pryvatnych damach dyrektara ahulnym koštam zvyš 21 tysiačy rubloŭ — za zaklučeńnie damoŭ i praviadzieńnie pa ich raźlikaŭ.
Za toje ž pradstaŭniki treciaj firmy ŭ damach abvinavačanaha i jaho svajakoŭ u 2019 hodzie pastavili i zmanciravali vokny PVCH pa zaviedama zanižanych cenach — suma «źnižki» była kala 8,5 tysiačy rubloŭ.
U 2021 hodzie nibyta dla patreb zavoda abvinavačany kupiŭ i ŭstanaviŭ u kvatery dački kandycyjanier. Z rachunku zavoda na heta pajšło bolš za 2,3 tysiačy rubloŭ, a kandycyjanier nibyta złamaŭsia biez mahčymaści jaho adramantavać.
Suprać byłoha dyrektara zaviedzienyja kryminalnyja spravy pavodle č. 2 art. 430, č. 1 art. 210, č. 1 art. 427 Kryminalnaha kodeksa Respubliki Biełaruś.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Nad hałavoj opiera visieŭ partret Stalina». Vialikaja hutarka z vykładčycaj Natallaj Dulinaj pra hopnikaŭ z HUBAZiKa i Kaleśnikavu. I važnuju paradu dla ŭsich
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
Kamientary
Luboho bieri - nie ošibiošsia!