«Vahnieraŭcy» karajuć śmierciu byłych źniavolenych dziasiatkami, a adkaznaści nie bajacca
Rasijskaja pravaabaronca Volha Ramanava, zasnavalnica arhanizacyi «Ruś sidiaŝaja», u intervju resursu «Možiem objaśniť» adznačyła, što niadaŭni skandalny vypadak z pakarańniem členami PVK «Vahnier» śmierciu byłoha źniavolenaha Jaŭhiena Nužyna — zusim nie adzinkavy. Jon vyłučajecca ź inšych tolki tym, što byŭ vystaŭleny na publičny ahlad. Na movie «vahnieraŭcaŭ» takaja praktyka nazyvajecca «abnulić čałavieka».
Pa źviestkach Ramanavaj, pryhožyncy karajuć śmierciu za takija «praviny» na froncie:
- za deziercirstva;
- za sprobu zdačy ŭ pałon;
- za maradziorstva;
- za złoŭžyvańnie ałkaholem abo narkotykami;
- za «pałavyja suviazi».
Tolki paćvierdžanych vypadkaŭ vajennaha samasudu ŭžo kala 40, kaža Ramanava. «I ničoha im za heta nie budzie, — upeŭnienaja Ramanava, — luby FSVP na lubyja zapyty [pra los zeka] adkazvaje, što heta dziaržaŭnaja tajamnica».
Zaraz PVK «Vahnier» viarbuje zekaŭ užo ŭ Sibiry, pryčym mnohich na front adpraŭlajuć prymusova, choć časam svajaki pieraškadžajuć hetamu. Ramanava začytała list maci asudžanaha: «Jon byŭ raniej u inšym baraku, a ŭ hety jaho pieraviali paśla taho, jak ja nie dała zhody na viarboŭku. Patelefanavała namieśnica načalnika [kałonii] i prystrašyła, što ŭ sud padam. Mianie [vahnieraŭcy] dva dni teraryzavali zvankami». Žančynie pahražali, što syn u lubym vypadku apyniecca na froncie, ale ŭ horšych umovach.
Pavodle źviestak Ramanavaj, «vahnieraŭcy» zavierbavali ŭžo 30-35 tysiač źniavolenych.
Čytajcie taksama:
Padalak: Zabity bajec PVK Vahniera Nužyn dobraachvotna pahadziŭsia adpravicca ŭ Rasiju pry abmienie pałonnymi z Ukrainaj
Rasijski kanał źniaŭ na videa žachlivaje pakarańnie vahnieraŭca, jaki zdaŭsia ŭ pałon
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA18
Kamientary