Padalak: Zabity bajec PVK Vahniera Nužyn dobraachvotna pahadziŭsia adpravicca ŭ Rasiju pry abmienie pałonnymi z Ukrainaj
Były źniavoleny, bajec PVK «Vahnier» Jaŭhien Nužyn, rolik z zabojstvam jakoha źjaviŭsia ŭ sietcy, byŭ adpraŭleny Ukrainaj u Rasiju ŭ vyniku abmienu vajennapałonnymi. Pra heta ŭ efiry telekanała «Dožd́» paviedamiŭ daradca kiraŭnika Ofisa prezidenta Ukrainy Michaił Padalak.
Pa słovach Padalaka, Nužyn prajšoŭ praz aficyjnuju praceduru abmienu vajennapałonnymi. Heta značyć jon, jak śćviardžaje Padalak, u adpaviednaści z usimi jurydyčnymi praviłami, padpisaŭ dobraachvotnuju zhodu na abmien.
«U nas vielmi prosty padychod. Pałonny vajskoviec moža padpisać dobraachvotnuju admovu ad abmiennaj pracedury. I voś heta budzie ŭ nas zafiksavana», — patłumačyŭ Padalak.
Pry hetym Padalak abvierh čutki pra toje, što Nužyna abmianiali na 20 ukrainskich vajennapałonnych. Pavodle jaho słoŭ, abmien prachodziŭ pa pravile «pakiet na pakiet». Padalak skazaŭ, što Ukraina atrymała 47 svaich vajskoŭcaŭ, Rasija — «niejkuju kolkaść» svaich.
Na dumku Padalaka, zasnavalnik PVK Vahniera Jaŭhien Pryhožyn moh vykarystoŭvać Nužyna ŭ svaich prapahandysckich metach, zładziŭšy pakazalnaje pakarańnie vajskoŭca.
Raniej u telehram-kanale Grey Zone, jaki źviazvajuć z PVK Vahniera, apublikavali videa z zabojstvam Nužyna. Pierad śmierciu mužčyna skazaŭ, što «pračnuŭsia» ŭ padvale, dzie jamu paviedamili, što jaho buduć «sudzić». Jaŭhien Pryhožyn nazvaŭ videa «vydatnaj režysiorskaj pracaj». Paźniej jon paprasiŭ Hienprakuraturu pravieryć viersiju ab dačynieńni da hibieli byłoha źniavolenaha «amierykanskich śpiecsłužbaŭ». U toj ža čas u Kramli rolik kamientavać admovilisia.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary