«Jaje achoŭvajuć troje, adzin — z aŭtamatam». Što viadoma pra Maryju Kaleśnikavu, jakaja trapiła ŭ reanimacyju
Krynicy Svabody paviedamlajuć, što Maryja Kaleśnikava da hetaha času ŭ reanimacyi homielskaha špitala chutkaj miedycynskaj dapamohi, u chirurhičnuju pałatu jaje pakul nie pieraviali.
Uviečary 29 listapada źjaviłasia infarmacyja, što Maryja Kaleśnikava, jakaja adbyvaje pakarańnie ŭ Homielskaj žanočaj kałonii, trapiła ŭ reanimacyju špitala chutkaj dapamohi. Jana pieraniesła apieracyju. Pra stan palitźniavolenaj ničoha nie viadoma, advakata da jaje pakul nie dapuścili.
«Jana i ciapier u reanimacyi chirurhičnaha adździaleńnia, u ciažkim stanie. U pałatu jaje pakul nie pieraviali. Kaleśnikavu achoŭvajuć troje. Dvoje — unutry pałaty, i adzin z aŭtamatam zvonku, kala dźviarej», — paviedamiła krynica Svabody.
Surazmoŭca zaznačaje, što ŭ špitali «ŭsie na vušach», i nichto nie budzie davać anijakich kamientaroŭ. Dla pacyjentaŭ, jakija pastupajuć u homielski špital chutkaj dapamohi, raźmieščany ŭ samym centry Homiela la haradskoha parku, jość u chirurhii admysłovaja pałata z kratami i miescam dla kanvojnych.
«Ale jaje pakul tudy nie pieraviali», — kaža krynica Svabody.
Kali vy ci vašy znajomyja pracujuć u balnicy Homiela i vy majecie bolš infarmacyi pra Maryju Kaleśnikavu, pišycie nam u @nasa_niva_bot ci na [email protected]. Albo — asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
-
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi
-
«Lepš być zastrelenaj u śpinu, čym hadami tak siadzieć». Biełaruska raskazała pra ŭmovy ŭ izalatary paśla zatrymańnia na miažy
-
«Za takija hrošy chaj sami nosiać». Biełarusy aburajucca cenami na vyšyvanki ŭ barysaŭskim univiermahu
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary