Šaŭkat Mirzijojeŭ nie pryjedzie ŭ Maskvu na parad, jaki projdzie 9 maja ŭ honar 81‑j hadaviny pieramohi ŭ Vialikaj Ajčynnaj vajnie, paviedamlaje Gazeta.uz sa spasyłkaj na krynicu va ŭradzie.
«Prezident Uźbiekistana Šaŭkat Mirzijojeŭ nie voźmie ŭdziełu ŭ śviatkavańni 9 Maja ŭ Maskvie, paćvierdziła «Haziecie» krynica ŭ uradzie. — U apublikavanym Kramlom śpisie zamiežnych lidaraŭ, zaprošanych na śviatkavańnie, prezidenty krain Centralnaj Azii nie ŭkazany», — havorycca ŭ paviedamleńni.
Kreml paviedamiŭ, što padčas śviatkavańnia Dnia Pieramohi 9 maja ŭ Maskvie buduć prysutničać Alaksandr Łukašenka, jaki ŭžo vylecieŭ u Maskvu, premjer-ministr Słavakii Robiert Fica (jon udakładniŭ, što nie budzie prysutničać na paradzie), prezident Łaosa Tchonhłun Sisulit, viarchoŭny kiraŭnik Małajzii sułtan Ibrahim, prezidenty niepryznanaj Abchazii Badra Hunba i Paŭdniovaj Asiecii Ałan Hahłojeŭ, a taksama delehacyja z Respubliki Sierbskaj Bośnii i Hiercahaviny, u jakuju ŭvajšli prezident Siniša Karan, staršynia Narodnaj skupščyny Nienad Stevandzič i kiraŭnik partyi «Sajuz niezaležnych sacyjalistyčnych demakrataŭ» Miłarad Dodzik.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
Zdravomyślaŝij Čiełoviek!
RS.
Tolko moralnyje urody, podonki i niehodiai tam na rośsii budut "prazdnovať"
[Zredahavana]