Chrenin: My ŭličym vopyt Rasii pa mabilizacyi i padkarektujem zakanadaŭstva
Ministr abarony Viktar Chrenin daŭ vialikaje intervju «Biełaruś siehodnia», asnoŭny źmiest jakoha — paŭtareńnie asnoŭnych tezisaŭ łukašenkaŭskaj i rasijskaj prapahandy pra ahresiŭny Zachad i miralubnuju Biełaruś. Ale zakranuŭ i temu mahčymaj mabilizacyi, jakaja sapraŭdy chvaluje biełaruskaje nasielnictva.
Chrenin adznačyŭ, što biełaruskija siłaviki ŭvažliva sočać za tym vopytam, jaki atrymała pry praviadzieńni mabilizacyi Rasija:
«Biezumoŭna, my analizujem vopyt susiedziaŭ pa praviadzieńni mabilizacyjnych mierapryjemstvaŭ. U pieršuju čarhu heta pytańni, źviazanyja z vajskovym ulikam hramadzian, jakija znachodziacca ŭ zapasie, u tym liku vyznačeńniem kolkasnaha i jakasnaha składu najaŭnych resursaŭ. Heta treba dla razumieńnia situacyi i racyjanalnaha padychodu ŭ zabieśpiačeńni abarony i vajennaj biaśpieki».
A dalej skazaŭ tryvožnyja frazy:
«Uličvajučy svoj vopyt i vopyt rasijskich kaleh, padkarektujem niekatoryja momanty i ŭ zakanadaŭčym płanie. Zaraz idzie aktyŭnaja rabota pa padrychtoŭcy prapanoŭ dla ŭniasieńnia źmianieńniaŭ u šerah zakanadaŭčych aktaŭ. Chutka jany buduć vyniesienyja na razhlad parłamientaryjaŭ, abmierkavańnie hramadskaści».
Uličvajučy toje, što, pry kišennym parłamiencie i pry patrebie biez ahladki navat na pracedury, biełaruski režym moža ŭ samyja ścisłyja terminy ŭnosić u zakanadaŭstva samyja adyjoznyja źmieny, vajennaabaviazanym jość padstavy dla zaniepakojenaści. Pakolki isnuje vialikaja vierahodnaść, što zakanadaŭčyja źmieny buduć skiravanyja pieradusim na toje, kab zakryć biełaruskim mužčynam navat tyja mahčymaści dla ratavańnia, jakija mieli rasijskija.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki13
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary
vymaloŭvajecca ŭsio značna horšaja karcina... hledziačy na toje, jak rasieja mahilizuje zekaŭ i marhinałaŭ, i ŭličvajučy toje, što naš "zek" i "marhinał" - heta zusim nie toje što rasiejski... to karcina vymaloŭvajecca značna horš...