ISW pra rasijski nastup na Bachmut: Sievieradanieck i Lisičansk rasijan ničomu nie navučyli
Vašynhtonski Instytut vyvučeńnia vajny (ISW) apublikavaŭ svoj štodzionny biuleteń, u jakim u hety raz jon nadaje asablivuju ŭvahu rasijskamu nastupu na Bachmut.
Hałoŭnaja vysnova: rasijskaja armija tak ničomu i nie navučyłasia paśla papiarednich šturmaŭ, kali koštam vialikich strat brali abjekty vielmi abmiežavanaha stratehičnaha značeńnia.
Najbolš pakazalnym prykładam u hetym sensie było ŭziaćcie Sievieradaniecka i Lisičanska ŭ kancy viasny i pačatku leta. Značeńnie hetych haradoŭ było vielmi nievialikaje, ale USU prymusili rasijskuju armiju zasiarodzić na hetym učastku vialikija siły, skoŭvali ich tam niekalki tydniaŭ, nanieśli im vialikija straty, a potym adyšli. Heta stała kulminacyjaj rasijskaha nastupu na Danbasie — u asablivym, vajskovym sensie hetaha słova, jaki aznačaje, što z hetaha momantu siły dla praciahu nastupu vyčarpalisia.
Taki zychod mahčymy i ŭ Bachmucie. Bachmut rasijskija siły šturmujuć z maja, ź vializnymi stratami avałodvajuć drobnymi pasieliščami vakoł jaho. Navat kali im udasca ŭziać sam horad, nijakich apieratyŭnych vyhod heta nie pryniasie.
Pry hetym na šturm Bachmuta zatračvajucca značnyja siły, što asłablaje inšyja ŭčastki frontu i stvaraje ŭmovy dla ŭkrainskich kontratak na inšych napramkach.
Možna zaŭvažyć, što ŭ hetym analizie nijak nie zakranajecca rola PVK «Vahnier» i ambicyi jaje stvaralnika Jaŭhiena Pryhožyna. Jak viadoma z mnohich krynic (i ŭ inšych častkach biuletenia pra heta taksama zhadvajecca), pad Bachmutam dziejničajuć pieravažna najmity hetaj arhanizacyi, u tym liku vypuščanyja z turmaŭ dziela hetaha kryminalniki. Stupień padspravazdačnaści hetych farmiravańniaŭ rasijskamu vajskovamu kamandavańniu nieviadomaja.
Ciapier čytajuć
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć88
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć8
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
Kamientary