Rasijskija aktyvy na ahulnuju sumu ŭ 7,5 młrd frankaŭ (pryblizna $7,94 młrd) byli zamarožanyja šviejcarskim uradam pa stanie na 25 listapada. Na sajcie Minekanomiki krainy ŭdakładniajecca, što heta suma pryvodzicca biez uliku koštu piatnaccaci zamarožanych abjektaŭ nieruchomaści padsankcyjnych jurydyčnych i fizičnych asob, piša Kommersant.
«Zamarožanyja sumy mohuć pavialičvacca, naprykład, u tych vypadkach, kali abjektam sankcyj stanoviacca novyja asoby abo vyjaŭlajucca novyja aktyvy… Naadvarot, aktyvy, zamarožanyja ŭ previentyŭnych metach, pavinny być vyzvalenyja paśla praviadzieńnia nieabchodnych pravierak»,— tłumačycca ŭ pres-relizie na sajcie šviejcarskaha ministerstva.
U materyjale taksama pryvodziacca danyja ab sumie zadekłaravanych rasijskimi jurydyčnymi i fizičnymi asobami depazitach. Pra ich šviejcarskamu ŭradu paviedamili bolš za 123 piersony i arhanizacyi, čyj ahulny abjom depazitaŭ skłaŭ bolš za 46,1 młrd frankaŭ (kala $48,8 młrd).
Paśla ŭvodu rasijskich vojskaŭ va Ukrainu Šviejcaryja padtrymała sankcyjnuju palityku Jeŭrasajuza ŭ dačynieńni da Rasii i ŭviała paralelnyja abmiežavańni. Na minułym tydni Fiederalnaja rada Šviejcaryi ŭviała poŭnaje embarha na pastaŭki zbroi Rasii.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary