Paśla raznosu Łukašenki matacykł «Minsk» udałosia łakalizavać na čverć. Kačanava dla hetaha źbiraje narady
Staršynia Savieta Respubliki Natalla Kačanava praviała siońnia čarhovuju naradu pa pytańni funkcyjanavańnia AAT «Motaviełazavod». Asnoŭnaja tema, jakaja była razhledžana, — «vychad na bolš vysoki ŭzrovień łakalizacyi», pieradaje BiełTA.
Natalla Kačanava adznačyła, što 9 listapada na pradpryjemstvie prajšła sustreča ź jaje ŭdziełam. «Abmierkavali tyja pytańni, jakija vyrašany ciapier, i toje, što jašče nieabchodna zrabić, kab vykanać daručeńnie Łukašenki. Da Novaha hoda my pavinny pakazać, što budzie vypuskać pradpryjemstva «Motaviełazavod», — nahadała jana. Havorka idzie pra łakalizacyju pradukcyi, pašyreńnie asartymientu.
«Łukašenka nie raz kazaŭ, što my možam zrabić usio sami. I žyćcio pakazvaje, što heta tak. Uziać choć by sistemu achovy zdaroŭja, — zaŭvažyła śpikier. — Ale pradpryjemstvam, jakija pracujuć u našaj krainie, treba bolš aktyŭna ŭklučacca. Tym bolš my kaliści byli finišnaj vytvorčaściu, kali tut (była skancentravanaja) i elektronika, i mašynabudavańnie».
Natalla Kačanava zaŭvažyła, što na sustrečy 9 listapada stała zrazumieła, što da kanca pytańni łakalizacyi nie vyrašany, bo šerah ajčynnych pradpryjemstvaŭ abo niedastatkova prapracavali adpaviednyja momanty, abo majecca šerah pieraškod, jakija nie dazvalajuć u poŭnaj miery vypuskać kamplektujučyja dla matacykłaŭ i rovaraŭ. Kiraŭniki pradpryjemstvaŭ, zaprošanyja na pasiadžeńnie, ahučyli biahučuju situacyju.
Da 1 studzienia, kali nieabchodna dałažyć Łukašenku ab vykanańni daručeńnia, zastajecca zusim mała času, adznačyła Natalla Kačanava.
Jak adznačyła paśla narady kiraŭnictva zavoda, staić zadača da zakančeńnia pieršaha kvartała 2023 hoda naraścić łakalizacyju da 26% (heta datyčyć ajčynnaha matacykła «Minsk»).
A da kanca 2023 hoda — da 36%.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta4
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2929
Kamientary
Pustoje eto vsie. Monobłok dvih-korobka im prosto nie po zubam, eto novyj zavod nado stroiť.
A vsie ostalnoje eto vobŝiem to urovień motoatielje.