«Raiŭ mnie znajści žanicha z AMAPa». Byłaja deputatka raskazała, jak kantaktavała z Barsukovym
Na jutub-kanale «Maksimalna» vyjšła hutarka z Volhaj Ciesakovaj, minskaj eks-deputatkaj, jakaja ŭ 2020 hodzie padtrymała narod padčas paślavybarčych pratestaŭ. Volha zhadała pra svoj dośvied kamunikacyi z Alaksandram Barsukovym, byłym namieśnikam kiraŭnika MUS i ciapierašnim inśpiektaram pa Minsku.
Ciesakova paznajomiłasia z Barsukovym, kali jaje pasadzili la čynoŭnika na Usiebiełaruskim narodnym schodzie ŭ 2021 hodzie. Tady jon chacieŭ prademanstravać deputatcy videa z Akreścina, jakoje nibyta śviedčyła b, što hvałtu z boku siłavikoŭ nie było. Volha raskazała, što toje videa tak i nie pahladzieła, chacia i zvaniła Barsukovu, kab damovicca pra sustreču i pabačyć zapis, bo čynoŭniku nibyta ŭvieś čas «było nie da taho».
Da nieabchodnaści pravieści čas pobač z takim čałaviekam Volha staviłasia spakojna: «Hutaryli pra pazicyju, bo ja razumieła, što pakolki jon — inśpiektar pa horadzie Minsku, ja mahu niešta jamu raskazać. Časta my sutykajemsia ź niekatoraj infarmacyjnaj burbałkaj, kali kamunikujem u našym asiarodździ, i niejkaja infarmacyja dla nas pierakručvajecca». Na dumku Ciesakovaj, u takoj burbałcy mohuć apynucca jak prychilniki pratesnych pohladaŭ, tak i tyja, chto na baku ŭłady.
Što da Barsukova, kamunikacyju ź im Volha zhadvaje jak davoli niefarmalnuju.
«Ja nikoli nie chavała, što chadziła na maršy, vielmi hučna aburałasia tym, što kažuć, nibyta chodziać ałkaholiki i darmajedy na hetyja maršy i hrošy za heta atrymlivajuć. Mnie b choć chto jakuju kapiejku zapłaciŭ: Minharsaviet — biaspłatna, na maršy — biaspłatna!».
Žančyna sprabavała davieści, što jana nie padychodzić pad toje apisańnie typovaha pratestoŭcy, jakoje malavali dziaržSMI, i što hetyja pratestoŭcy prosta žadajuć, kab ich pačuli. Jaje ździviła, što Barsukoŭ nie adkazvaŭ joj na heta niehatyvam:
«Reakcyja była, što treba mianie advieści da jaho chłopcaŭ u AMAP i znajści mnie žanicha, bo, vidać, u mianie zanadta šmat volnaha času».
«Naša Niva» — bastyjon biełaruščyny
PADTRYMAĆ«Možna kolki zaŭhodna narakać na śviet, jaki nie cikavicca losam Biełarusi, ale jon i nie pačnie cikavicca, pakul biełarusam nie stanuć cikavyja jany sami»
Jak nasamreč adbylisia pieramieny ŭ Polščy. Troški nie tak, jak my ŭjaŭlajem
«Było 17 varyjantaŭ nobieleŭskaj lekcyi». Vialikaje intervju Natalli Pinčuk ab premii i kachańni
-
MARH dałučyła da pahadnieńnia ab prasoŭvańni biełaruskich tavaraŭ novych bujnych hulcoŭ. Siarod ich — uładalnik «Tabakierak»
-
«Drahičynskaje mora»: u horadzie padtapiła miescy, dzie raniej nie prybrali śnieh
-
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi39
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary