Kampanija IKEA vystaviła biełarusu Piatru Markiełavu vialiki rachunak za fłešmob
Šviedski meblevy hihant IKEA patrabuje ź biełaruskaha aktyvista Piatra Markiełava kampiensacyju ŭ pamiery krychu bolš za 8500 jeŭra za škodu, naniesienuju padčas jaho akcyi pratestu ŭ pražskaj kramie. Pra heta sam Markiełaŭ napisaŭ u instahramie.
U listapadzie minułaha hoda, pavodle źviestak češskaj palicyi, Markiełaŭ zajšoŭ u kramu IKEA, dzie raśsiok siakieraj dźvie biełyja tumbački, abliŭ ich čyrvonaj farbaj i zajaviŭ praz hučnamoŭnik, što takim čynam pratestuje suprać «supracoŭnictva IKEA z uładami Biełarusi». Paśla hetaha Markiełava zatrymali, ale paźniej adpuścili na volu.
Akcyju Markiełaŭ pravioŭ paśla publikacyi ŭ jeŭrapiejskaj presie artykuła, što IKEA nibyta pracavała z pastaŭščykami, jakija vykarystoŭvali pracu biełaruskich źniavolenych, u tym liku i palityčnych.
U samoj kampanii na heta adkazali, što ŭ ich biznesie «niama miesca parušeńniam pravoŭ čałavieka». Pa słovach pres-sakratara, u 2021 hodzie IKEA pryniała rašeńnie spynić raźvićcio ŭ Biełarusi z-za prablem z pravami čałavieka i niepradkazalnaj situacyjaj.
Čytajcie taksama:
Aktyvista Piatra Markiełava vyzvalili. Jon čakaje rašeńnia prakurora
U Čechii zatrymali biełarusa, jaki pratestavaŭ u kramie IKEA
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary
Treba skončyć handal!