Razumnaja bytavaja technika moža pierastać pracavać užo praz dva hady

Razumnaja bytavaja technika adroźnivajecca ad zvyčajnaj tym, što jana moža padłučacca da internetu i ŭklučać u siabie takija funkcyi, jak mahčymaść addalenaha kiravańnia sa smartfona ci inšaj mabilnaj pryłady.

Daśledavańnie, praviedzienaje «Which?», brytanskaj arhanizacyjaj pa abaronie pravoŭ spažyŭcoŭ, pakazała, što takija pradukty, jak razumnyja posudamyjki, televizary i pralnyja mašyny, jakija pavinny byli prasłužyć bolš za dziesiać hadoŭ, «pakidajucca» brendami-raspracoŭščykami. 

Adsutnaść padtrymki prahramnaha zabieśpiačeńnia z boku kampanij aznačaje, što ich razumnyja pryłady nie buduć atrymlivać abnaŭleńniaŭ, jakija patrebnyja dla palapšeńnia ŭzroŭniu pradukcyjnaści i biaśpieki. 

«Čym starejšaj robicca smart-technika, tym bolšaj budzie ryzyka jaje ŭzłomu praź internet», — śćviardžaje «Which?».

Arhanizacyja vyjaviła, što «amal nivodzin z apytanych joju brendaŭ u absłuhoŭvańni navat i blizka nie prytrymlivajecca čakanaha terminu prydatnaści svaich razumnych pryład», a inšyja naohuł admovilisia ad kamientaroŭ, kali ich paprasili ŭdakładnić praciahłaść prahram absłuhoŭvańnia techniki. 

«My dasłali zapyty u 119 kampanij datyčna sotniaŭ najmieńniaŭ razumnych bytavych tavaraŭ u 20 roznych katehoryjach pradukcyi, i pa stanie na listapad 2022 hoda tolki pałova brendaŭ (49%) padzialiłasia dakładnaj infarmacyjaj ab praciahłaści pieryjadaŭ padtrymki PZ ich smart-techniki», — raskazvaje «Which?».

Niekalki adkazaŭ pryviedzienyja nižej:

• LG. Smart-televizary, a taksama razumnyja posudamyjnyja i pralnyja mašyny mohuć pierastać absłuhoŭvacca ŭsiaho praz dva hady paśla vypusku na rynak, niahledziačy na ​​toje, što ich čakany termin słužby składaje 13 hod. Na niekatoryja madeli razumnych televizaraŭ raspaŭsiudžvajecca 5-hadovaje absłuhoŭvańnie dla likvidacyi krytyčnych uraźlivaściaŭ biaśpieki.
• Sony. Kampanija prapanuje harantavanuju padtrymku svaich smart-televizaraŭ tolki ciaham dvuch hadoŭ z momantu vypusku na rynak, a apošniaja viersija prahramnaha zabieśpiačeńnia budzie dastupnaja na praciahu vaśmi hadoŭ vykarystańnia pryład.
• Samsung. Padtrymka smart-televizaraŭ składaje nie mienš za try hady. Brend budzie całkam vykonvać zakony ab biaśpiecy praduktaŭ i telekamunikacyjnaj infrastruktury.
• Miele i Hisense. Kampanii prapanujuć padtrymku Smart TV na praciahu 10 hadoŭ.

Rosija Konča, dyrektarka pa palitycy i abaronie pravoŭ spažyŭcoŭ arhanizacyi «Which?», źviartaje ŭvahu na niespraviadlivaść takoha padychodu, kali «vytvorcy vypuskajuć na rynak darahija pradukty, jakija mohuć prasłužyć šmat hadoŭ, a potym prosta admaŭlajucca ad ich».

«Heta aznačaje, što pradukt moža stracić tyja funkcyi, jakija apraŭdvali jaho vysokuju canu, i patencyjna moža stvaryć pahrozu biaśpiecy abo raniej času adpravicca na śmietnik elektryčnych adkidaŭ, jakich i tak šmat», — padkreślivaje jana. 

Čytajcie jašče:

Apple źbirajecca vypuścić noŭtbuk z sensarnym dysplejem 

«U peŭnym sensie my ŭsie ŭžo kibarhi». Iłan Mask čakaje vyprabavańniaŭ Neuralink na ludziach ciaham šaści miesiacaŭ 

Jakija inavacyi i technałohii zdavalisia šmatabiacalnymi, ale ŭ 2022 hodzie spynili svajo isnavańnie? Ad iPod da Blackberry OS 

• 4
• 0
• 2
• 1
• 7
• 9
• 9
• 0