Były palitviazień padaŭ zajavu ŭ SK na prapahandysta Azaronka. Patrabuje zavieści spravu za raspalvańnie varožaści
Homielski vałancior Illa Mironaŭ adnios zajavu ŭ Śledčy kamitet z prośbaj adkryć kryminalnuju spravu ŭ dačynieńni da adyjoznaha prapahandysta Ryhora Azaronka.
U tekście zajavy aktyvist zaznačaje, što 18 studzienia 2023 hoda na sajcie praŭładnaj telekampanii STV byŭ apublikavany artykuł, jaki supravadžajecca videarolikam «Azaronak: krok nasustrač tym, chto choča viarnucca — heta stalinski krok, heta mahutnaja vola Łukašenki», paviedamlaje «Štodzień».
U hetym siužecie Azaronak, na dumku aŭtara zajavy, ździajśniaje dziejańni, skiravanyja na raspalvańnie nianaviści, varožaści, a taksama prynižeńnie hodnaści hrupy asobaŭ pa prykmietach prynaležnaści da peŭnaj sacyjalnaj hrupy.
Illa Mironaŭ patrabuje pryciahnuć da adkaznaści Ryhora Azaronka na padstavie p. 1 art. 130 Kryminalnaha kodeksa RB.
Pavodle biełaruskaha zakanadaŭstva, za raspalvańnie varažniečy praduhledžanaje pakarańnie da 5 hadoŭ źniavoleńnia.
Ciapier čytajuć
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary