Prosta ciapier u Ščorsach Navahrudskaha rajona pradajuć cikavy abjekt. Niezvyčajny łot vystaŭleny na aŭkcyjonnaj placoŭcy Dziaržkammajomaści, tarhi pa im projduć 24 lutaha, piša «Anłajnier».
Pabudova paznačanaja jak «viandlarnia». Ciapier jana znachodzicca na bałansie adździeła kultury Navahrudskaha rajonnaha vykankama.
Budynak viandlarni — historyka-kulturnaja kaštoŭnaść, pabudavanaja na styku XIX-XX stahodździaŭ. Nižniaja jaho častka — z cehły, a nad joj vysoki hontavy dach, usia kanstrukcyja zaviaršajecca nievysokim šatrom.
«Na dachu płaŭnymi linijami vystupajuć vypukłyja dušniki, — pišuć daviedniki. — Cahlanyja ścieny dekaravanyja łapatkami, karnizam prostaha profilu i łučkovymi pieramyčkami nad akonnymi i dźviarnymi prajomami».
Usiaredzinie prastora padzielenaja na jarusy dla raźmiaščeńnia praduktaŭ.
Hetaja viandlarnia adnosicca da siadziby Chraptovičaŭ. Ich pałac zhareŭ u Pieršuju suśvietnuju, ale častki byłoha kompleksu zachavalisia, u tym liku haspadarčyja pabudovy.
Pačatkovaja cana staradaŭniaj viandlarni — 9950 rubloŭ.
Jak raskazali «Anłajnieru» ŭ Navahrudskim rajvykankamie, heta ŭžo nie pieršy aŭkcyjon pa viandlarni. Spačatku cana była ŭ dva razy vyšejšaja. Uvohule ž na tarhi vystaŭlaŭsia ceły kompleks budynkaŭ byłoj siadziby, astatnija ŭžo pradadzienyja.
Pa ŭmovach aŭkcyjonu, pakupnik pavinien pravieści rekanstrukcyju, restaŭracyju i abnaŭleńnie abjekta. Vykarystoŭvać pabudovu treba «pad mety, jakija nie supiarečać zakanadaŭstvu», na praciahu dvuch abo troch hadoŭ. Tak jak heta pomnik architektury, to treba budzie padpisać achoŭnaje abaviazacielstva.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary