U Biełarusi vypraboŭvajuć rasijski pierachopnik dronaŭ «Mołat»
U pačatku lutaha ŭ krainie startavali testy 59 roznych sistem baraćby z dronami. U vyprabavańniach zadziejničany srodki vyjaŭleńnia, padaŭleńnia i źniščeńnia BPŁA. Pavodle źviestak Ministerstva abarony Biełarusi, bolš za 80% pradstaŭlenych uzoraŭ — biełaruskaj vytvorčaści. A siarod zamiežnych raspracovak da vyprabavańniaŭ dapuščany rasijski kompleks «Mołat» ad kampanii Nova Labs, piša vydańnie «Militarnij».
Što ŭjaŭlaje saboj «Mołat»
Kompleks składajecca ź dźviuch častak: šmatrazovaj puskavoj ustanoŭki i bieśpiłotnika-pierachopnika.
Puskavaja pryłada vykananaja ŭ vyhladzie truby z rukajatkami, prykładam i prycełam. Daŭžynia ŭ bajavym stanoviščy — kala 70—80 sm, masa — niekalki kiłahramaŭ.
Sam pierachopnik — heta nievialiki BPŁA ŭ cylindryčnym korpusie ź infračyrvonaj hałoŭkaj samanaviadzieńnia. Unutry raźmieščanyja sistemy kiravańnia, akumulatar i bajavaja častka. Startavaja masa — da 1,5—2 kh. Dron uźlataje viertykalna, moža zavisać i ruchacca haryzantalna.
Maksimalnaja chutkaść palotu — da 50 m/s. Dalokaść dziejańnia zaležyć ad typu celi:
- bujnyja BPŁA samalotnaha typu — da 1 km,
- koptary dyjamietram 500—700 mm — 350—400 m,
- pracoŭnaja vyšynia — da 200 m.
Dla źniščeńnia celi vykarystoŭvajecca fuhasnaja bajavaja častka masaj kala 500 h. Mahčymy padryŭ pry kantakcie abo pry pralocie pobač z cellu. Taksama praduhledžanaje kinietyčnaje pierachoplivańnie — pramoje traplańnie.
Abnoŭlenaja viersija
Vytvorca zajaŭlaje, što novaja madyfikacyja zdolnaja źniščać celi na vyšyni da 2 km pry chutkaści da 200 km/h. Kompleks prapanujecca ŭ pieranosnym i stacyjanarnym varyjantach.
Pieranosnaja viersija maje ciepłavizijnuju sistemu naviadzieńnia i bojeprypasy kalibru 100 mm z chutkaściu da 265 km/h.
Stacyjanarny varyjant abstaloŭvajecca radyjokamandnym abo łaziernym naviadzieńniem, maje dalokaść da 3,5 km i chutkaść snarada da 360 km/h.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
Jakija źbivajuć ? Viadoma rasiejskija . A chto suprać ?