Ministr zdaroŭja ZŠA: Ja nie bajusia bakteryj, adnojčy ja niuchaŭ kakain ź siadzieńnia ŭnitaza
U papularnym padkaście Tea Vona This Past Weekend ministr zdaroŭja ZŠA Robiert F. Kienedzi-małodšy raskazaŭ pra svajo ciažkoje minułaje, źviazanaje z narkatyčnaj zaležnaściu, praź jakuju, pavodle jaho słoŭ, jamu dahetul davodzicca kožny dzień naviedvać hrupy padtrymki, paviedamlaje The Guardian.
Kienedzi adznačyŭ, što nie prapuskaŭ takija sustrečy i padčas pandemii karanavirusa, kali mnohija publičnyja mierapryjemstvy byli abmiežavanyja, i mienavita tam jon paznajomiŭsia ź viadučym padkasta Vonam.
«Ja nie bajusia bakteryj. Ja adnojčy niuchaŭ kakain ź siadzieńnia ŭnitaza», — pryznaŭsia Kienedzi ŭ epizodzie, jaki vyjšaŭ 12 lutaha.
Hetyja słovy vyklikali krytyku z boku pravaabarončaj arhanizacyi ŭ śfiery achovy zdaroŭja Protect Our Care. Prezident arhanizacyi Bred Vudchaŭs vystupiŭ paśla taho z karotkaj zajavaj: «Pajdzi ŭ adstaŭku».
U Protect Our Care zajavili, što vykazvańni Kienedzi nahladna demanstrujuć, čamu jon nie padychodzić dla kiraŭnictva takim važnym fiederalnym viedamstvam. Na dumku pravaabaroncaŭ, padobnaje staŭleńnie ministra paćviardžaje, što jon źjaŭlajecca niebiaśpiečnym vybaram na čale sistemy achovy zdaroŭja ZŠA.
Arhanizacyja nahadała, što kakain u 2023 hodzie byŭ źviazany amal z 30 000 śmierciaŭ ad pieradaziroŭki za hod u Złučanych Štatach. U takim kantekście, padkreślili tam, słovy ministra vyhladajuć biezadkaznymi.
Pres-sakratar Ministerstva zdaroŭja ZŠA Endru Niksan u adkaz na krytyku zajaviŭ, što pad kiraŭnictvam Kienedzi viedamstva vykarystoŭvaje ŭsie svaje paŭnamoctvy, kab dabivacca vynikaŭ dla amierykancaŭ, i praciahnie tuju ž liniju ŭ 2026 hodzie, staviačy ŭ pryjarytet intaresy pacyjentaŭ i hramadskuju achovu zdaroŭja.
Kienedzi i raniej adkryta raskazvaŭ pra svaju šmathadovuju narkazaležnaść. U krasaviku 2025 hoda na kanfierencyi ŭ Nešvile jon kazaŭ, što jahonyja palityčnyja pohlady šmat u čym sfarmiravalisia pad upłyvam 14‑hadovaj zaležnaści ad hierainu, jakuju jon pieraadoleŭ paśla zatrymańnia ŭ 1983 hodzie i pačatku lačeńnia.
Ministr zdaroŭja ZŠA kupaŭsia z unukami ŭ race, dzie heta rabić stroha zabaroniena
Robiert F. Kienedzi-małodšy zaćvierdžany na pasadzie ministra achovy zdaroŭja ZŠA
Treci kandydat. U Robierta Kienedzi-małodšaha ŭsio bolš šancaŭ uklučycca ŭ prezidenckuju honku ŭ ZŠA
U kandydata ŭ prezidenty ZŠA ŭ hałavie znajšli parazita. Jon moh źjeści častku mozhu
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary