Syr plus 40%, hrečka minus 28%. Jak za hod źmianilisia ceny na bazavyja pradukty
Pahladzieli, jak ź lutaha minułaha hoda źmianilisia ceny na bazavyja pradukty charčavańnia.
Małočnyja pradukty
Litr, a dakładniej 930 hram, 2-pracentnaha małaka «Zdravuška» letaś kaštavaŭ 1,51 rubla, ciapier — 1,74 (+15,2%).
Kiefir «Savuškaŭ pradukt» tłustaściu 1,5% za hod padaražeŭ na 8,8% i ciapier kaštuje 1 rubiel 73 kapiejki za 950 hram.
Pačak 9-pracentnaha tvarahu «Minskaja marka» letaś pradavaŭsia za 1,36 rubla, ciapier za 1,76, što składaje plus 29,4% da letašniaj cany.
200 hram syru «Rasijski» ad «Savuškavaha praduktu» hod tamu možna było nabyć za 3,21 rubla, ciapier ža jon pradajecca za 4,5 rubla, ci plus 40% ad letašniaj cany.
Masła śmietankovaje «Minskaja marka» 72 pracenty tłustaściu ŭ minułym lutym kaštavała 2,97 rubla, a ciapier — 3,81 rubla (+28%).
Na 9,5% padaražeŭ alej. Butelka 770 hram aleju «Uradžajny» ciapier pradajecca za 3,78 rubla, a hod tamu jaho možna było nabyć za 3,45 rubla.
Kašy
U adroźnieńnie ad małočnych praduktaŭ, niekatoryja krupy ŭ Biełarusi patańnieli. Tak, 700 hram hrečnievaj krupy «Mielkrup» ciapier kaštuje 2,29 rubla, kali hod tamu hety samy pradukt pradavaŭsia za 3 rubli 19 kapiejek. Heta minus 28% za hod.
Rys Food collection 600 hram taksama krychu straciŭ u canie: 1,82 rubla suprać 1,91 rubla hodam raniej.
A voś aŭsianyja šmatki «Ekstra №3» u lutym 2022 hoda kaštavali tańniej, čym ciapier: 89 kapiejek suprać 1,16 rubla. Heta amal plus 30% da letašniaj cany.
Taksama vyrasła cana na pšaničnuju muku. Letaś kiłahram kłasičnaj «Lidskaj muki» pradavaŭsia za 1,3 rubla, a ciapier — za 1,5 rubla. Za hod jana prybaviła ŭ canie 15,4%.
Kaŭbasy i sasiski
Upakoŭka «Doktarskaj» kaŭbasy ad Hrodzienskaha miasakambinata vahoj 400 hram letaś pradavałasia za 3,49 rubla, a ciapier za 4 rubli 40 kapiejek. Heta plus 26% za hod.
Na 9,1% padaraželi sasiski «Małočnyja» ad Bresckaha miasakambinata. Letaś pačak 390 hram kaštavaŭ 4,06 rubla, a ciapier 4,43 rubla.
*Usie ceny pa stanie na luty 2022 i luty 2023 hoda ŭziaty z sajta edostavka.by.
Kamientary