Jak za 10 hadoŭ źmianilisia zarobki ŭ Biełarusi, Polščy i Litvie. Ličby susiedziaŭ uražvajuć
Pa danych Nacyjanalnaha statystyčnaha kamiteta, naminalnaja naličanaja siaredniaja zarpłata ŭ Biełarusi ŭ studzieni 2023 hoda skłała 1684,9 rubla. Heta krychu bolš za zapavietnyja «papiaccot» na ruki. «Naša Niva» paraŭnała, jak za apošnija 10 hadoŭ źmianilisia zarobki ŭ Biełarusi i susiednich Polščy i Litvie.
Biełaruś
Paśla spłaty padatkaŭ siaredniestatystyčny biełarus za studzień atrymaŭ na ruki 1 449 rubloŭ, što kala 518 dalaraŭ, abo kala 485 jeŭra.
Dziesiać hadoŭ tamu, u studzieni 2013 hoda, biełarusy ŭ siarednim atrymlivali pa 435 dalaraŭ na ruki. Takim čynam, u dalaravym ekvivalencie zarobki biełarusaŭ za apošnija dziesiać hadoŭ vyraśli pryblizna na 19%. Inflacyja samoha dalara za hety pieryjad skłała amal 30%.
Adznačym, što ŭ lipieni 2014 hoda siaredniestatystyčny biełarus atrymlivaŭ užo kala 540 dalaraŭ na ruki. Hety rekord 2014 hoda ŭdałosia pabić tolki ŭ śniežni 2022 hoda, kali biełarusy atrymali ŭ siarednim 1647 rubloŭ na ruki. Z ulikam značnych kursavych vahańniaŭ, heta było kala 635 dalaraŭ ZŠA.
Litva
Siaredni zarobak na ruki ŭ Litvie składaje 1153 jeŭra, ci kala 1225 dalaraŭ ZŠA. Dziesiać hadoŭ tamu siaredni zarobak u Litvie raŭniaŭsia 530 jeŭra, ci kala 715 dalaraŭ pa tahačasnym kursie. Takim čynam, za apošnija 10 hadoŭ siarednija zarobki ŭ Litvie vyraśli bolej, čym na 70% u dalaravym ekvivalencie i amal na 120% u jeŭra.
Polšča
Siaredni zarobak na ruki ŭ Polščy pa vynikach studzienia 2023 hoda skłaŭ 5038 złotych, ci kala 1120 dalaraŭ ZŠA, abo kala 1055 jeŭra.
U pačatku 2013 hoda siaredniestatystyčny palak atrymlivaŭ čystymi ŭ miesiac 2730 złotych, što pa tahačasnym kursie raŭniałasia 840 dalaram, abo kala 615 jeŭra. Takim čynam, za 10 hadoŭ siarednija zarobki ŭ Polščy vyraśli amal na 35% u dalaravym vymiareńni i amal na 75% u jeŭra.
Čytajcie taksama:
Dalar viarnuŭsia da adznaki 2,80 rubla
ES praciahnuŭ sankcyi ŭ dačynieńni da Biełarusi na hod
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom2
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Čtoby v Polšie połučať 5000 zł na ruki, nado libo nie oformlaťsia na rabotie, t je nie płatiť nałohi libo oformlaťsia na 1/4. Tohda da budiet. Vsie ostalnyje tak skazať normalnyje varianty eto na ruki -3-4 tysiači! Osnovnaja massa nasielenija stolko i połučajet.!
Ja nie bieru v rassčiet pachatu po 12 časov.. 6-7 dniej v niedielu…