U Biełarusi z dapamohaju Kitaja chočuć pabudavać najbujniejšy śvinahadoŭčy kompleks
Biełaruś raźličvaje ŭ 2023 hodzie amal u dva razy naraścić abjomy pastavak praduktaŭ charčavańnia ŭ Kitaj, a taksama pabudavać niekalki pradpryjemstvaŭ. Pra heta ŭ Piekinie raskazaŭ žurnalistam ministr sielskaj haspadarki i charčavańnia Ihar Bryło, pieradaje karespandent BiełTA.
U Minskaj vobłaści, u pryvatnaści, płanujuć pabudavać najbujniejšy ŭ Biełarusi śvinahadoŭčy kompleks — na 300 tysiač hałoŭ.
Ministr raźličvaje, što pradukcyja śvinakompleksa budzie pastaŭlacca ŭ Kitaj. «U nas zaraz u Biełarusi ŭtrymlivajecca kala 2,8 młn hałoŭ śviniej. My zabiaśpiečvajem paŭnavartasnaje charčavańnie svaich ludziej. Nijakaj vialikaj roli ekspart u KNR z hetaha bujnoha śvinakompleksa dla našych spažyŭcoŭ nie adyhraje. Heta, naadvarot, budzie dobraja valutnaja vyručka», — skazaŭ ministr.
Akramia taho, pavodle Bryło, płanujecca madernizavać miasnuju žyviołahadoŭlu na bazie Mahiloŭskaj vobłaści. «Budzie budavacca kala tysiačy lehkavažnych padstreškaŭ dla ŭtrymańnia bujnoj rahataj žyvioły parod abierdzin-anhuskaja abo limuzin. Pakul pryjarytet kitajcaŭ staić na abierdzin-anhuskaj», — skazaŭ Ihar Bryło.
Treci napramak, pavodle Bryło, — raźvićcio Biełaruskaj nacyjanalnaj bijatechnałahičnaj karparacyi i budaŭnictva «BNBK-3». Heta arhanizacyja vytvorčaści vitaminaŭ, aminakisłot, praduktaŭ kruchmalnaj, hlukoznaj vytvorčaści. Heta daść mahčymaść naładzić vypusk novych jak dla Biełarusi, piša BiełTA, tak i dla ŭsich krain SND praduktaŭ: vitaminaŭ (V2, V12, S) i novych vidaŭ aminakisłot.
Pa vynikach 2022 hoda Biełaruś pastaviła ŭ Kitaj praduktaŭ charčavańnia na sumu zvyš $500 młn. «Heta rost bolš jak na 40 pracentaŭ. Ale heta ŭsio adno nie tyja ličby. Kitaj — vializnaja kraina. I choć my šeść apošnich hadoŭ istotna dabaŭlajem, ale heta ŭsio roŭna nie tyja ličby. Na hety hod my pastavili ambicyjnuju zadaču padyści da $900 młn. Dumaju, my ź joj spravimsia», — zajaviŭ kiraŭnik Minsielhascharča.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž24
Kamientary